నటసింహం నందమూరి బాలకృష్ణ ప్రస్తుతం వీరసింహారెడ్డి అనే భారీ యాక్షన్ ఎంటర్ టైనర్ చేస్తున్నారు. దీనికి మలినేని గోపీచంద్ దర్శకత్వం వహిస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న ఈ చిత్రం సంక్రాంతికి ప్రేక్షకుల ముందుకు వచ్చేందుకు రెడీ అయ్యింది. ఈ సినిమా తర్వాత బాలయ్య, సక్సెస్ ఫుల్ డైరెక్టర్ అనిల్ రావిపూడితో సినిమా చేయనున్నారు. ఆల్రెడీ ఈ మూవీని అధికారికంగా ప్రకటించారు. ప్రస్తుతం ప్రీ ప్రొడక్షన్ వర్క్ జరుపుకుంటున్న ఈ సినిమాను జనవరిలో సెట్స్ పైకి తీసుకెళ్లనున్నారు.
ఈ సినిమా తర్వాత బాలయ్య కంచరపాలెం సినిమాతో సక్సెస్ సాధించిన వెంకటేష్ మహాతో సినిమా చేయనున్నారని తెలిసింది. కంచెరపాలెం సినిమా తర్వాత వెంకటేష్ మహా ఉమామహేశ్వర ఉగ్రరూపశ్య అనే సినిమాను తెరకెక్కించాడు. ఈ రెండు సినిమాల తర్వాత వెంకటేష్ మహా నటుడుగా బిజీ అయ్యాడు కానీ.. డైరెక్టర్ గా మరో సినిమా చేయలేదు. ఇప్పుడు నందమూరి బాలకృష్ణ కోసం ఓ కథ రెడీ చేశాడు. ఇటీవ‌ల బాల‌య్య‌కు క‌లిసి కథ మొత్తం చెప్పేశాడు వెంకటేష్. బాల‌య్య‌కు కూడా ఈ కథ బాగా న‌చ్చింద‌ని స‌మాచారం. బాలయ్య చిన్న చిన్న మార్పులు సూచించాడ‌ని తెలిసింది.
ప్రస్తుతం వెంకటేష్ మహా బాలయ్య చెప్పిన మార్పులు, చేర్పులు చేస్తున్నారు. కంచ‌ర‌పాలెంలా.. ఇది కూడా ఓ వైవిధ్య‌భ‌రిత‌మైన క‌థేన‌ట. బాలయ్య ఈ సినిమాని ప్ర‌యోగాత్మ‌కంగానే చేయాల‌ని భావిస్తున్నాడ‌ని స‌మాచారం. బాలయ్య కెరీర్‌లో ఇదో కొత్త త‌ర‌హా స‌బ్జెక్ట్ అవుతుంద‌ని మహా గ‌ట్టిగా న‌మ్ముతున్నాడు. అనిల్ రావిపూడి సినిమా తర్వాత అంటే వచ్చే సంవత్సరం సమ్మర్ లో ఈ సినిమా సెట్స్ పైకి వెళ్లనుంది. మూడు, నాలుగు నెలల్లో పూర్తి చేసేలా ప్లాన్ చేస్తున్నారు. బాలయ్యతో సినిమా చేసే అవకాశం రావడం అంటే లక్కీ ఛాన్స్ దక్కించుకున్నట్టే. మరి.. ఈ సినిమాతో ఎంత వరకు మెప్పిస్తాడో చూడాలి.
