హైదరాబాద్ సన్ రైజర్స్ ఓపెనర్లు పెను విధ్వంసం సృష్టించారు. లక్నో సూపర్ జెయింట్స్ ఇచ్చిన 166 పరుగుల విజయ లక్ష్యాన్ని కేవలం 9.4 ఓవర్లలోనే వికెట్ నష్టపోకుండా ఛేదించి రికార్డు సృష్టించారు. ట్రావిస్ హెడ్ 30 బంతుల్లో 8 ఫోర్లు, 8 సిక్సర్లతో 89; అభిషేక్ శర్మ28 బంతుల్లో 8 ఫోర్లు, 6 సిక్సర్లతో 75 పరుగులతో అజేయంగా నిలిచి మరో 62 బంతులు మిగిలి ఉండగానే అద్భుత విజయం అందించారు.
హైదరాబాద్ ఉప్పల్ స్టేడియంలో నేడు జరిగిన మ్యాచ్ లో టాస్ గెలిచి బ్యాటింగ్ ఎంచుకున్న లక్నో 21 పరుగులకే 2 వికెట్లు (ఓపెనర్ డికాక్ 2; స్టోనిస్ 3) కోల్పోయింది. కెఎల్ రాహుల్ 29 పరుగులు చేసి మూడో వికెట్ గా వెనుదిరిగాడు. కృనాల్ పాండ్యా (24) వేగంగా పరుగులు చేసినా కమ్మిన్స్ విసిరిన ఓ చక్కని బంతికి రనౌట్ అయ్యాడు. ఈ దశలో నికోలస్ పూరన్ (48), ఆయూష్ బదోనీ(55)లు ఐదో వికెట్ కు అజేయంగా 99 పరుగులు జోడించి జట్టు గౌరవప్రదమైన స్కోరు సాధించడంలో తోడ్పడ్డారు. హైదరాబాద్ బౌలర్లలో భువనేశ్వర్ కుమార్ 2; కమ్మిన్స్ 1 వికెట్ పడగొట్టారు.
ట్రావిస్ హెడ్ 16 బంతుల్లోనే హాఫ్ సెంచరీ చేయగా, అభిషేక్ 18 బంతుల్లో పూర్తి చేయడం విశేషం.
హెడ్ కు ప్లేయర్ అఫ్ ద మ్యాచ్ దక్కింది.
