పవర్ స్టార్ ప‌వ‌న్ క‌ళ్యాణ్ పుట్టిన‌రోజు ‘సెప్టెంబ‌ర్ 2’. అభిమానుల‌కు పండ‌గ‌రోజు. ప్ర‌తి సంవ‌త్స‌రం త‌న అభిమాన క‌థానాయ‌కుడు పుట్టిన‌రోజు ఎప్పుడు వ‌స్తుందా అని ఆతృత‌గా ఎదురు చూస్తుంటారు. అయితే.. ఈ పుట్టిన‌రోజుకు పవర్ స్టార్ సినిమాల నుంచి ఇంట్ర‌స్టింగ్ అప్ డేట్స్ రాబోతున్నాయి. దీనికి సంబంధించి మేక‌ర్స్ కాస్త గ‌ట్టిగానే ప్లాన్ చేస్తున్నారు.
మ‌ళ్లీ జ‌ల్సా సినిమాని థియేట‌ర్లో చూడ‌డం కోసం ఫ్యాన్స్ భారీగా ఏర్పాట్లు చేస్తున్నారు. ఇక ఈ పుట్టిన‌రోజుకు ‘హ‌రి హ‌ర వీర‌మ‌ల్లు’ నుంచి ఇంట్ర‌స్టింగ్ అప్ డేట్ ఇచ్చేందుకు మేక‌ర్స్ ప్లాన్ చేస్తున్నారు. పవర్ స్టార్ న‌టిస్తున్న ఫ‌స్ట్ పాన్ ఇండియా మూవీ ఇదే. ఏఎం ర‌త్నం నిర్మిస్తోన్న ఈ చిత్రానికి క్రిష్ ద‌ర్శ‌క‌త్వం వ‌హిస్తున్నారు.
వీర‌మ‌ల్లుకు సంబంధించి స్పెష‌ల్ పోస్ట‌ర్ తో పాటు ఇంట్ర‌స్టింగ్ వీడియో కూడా రిలీజ్ చేసేందుకు ప్లాన్ చేస్తున్నార‌ని తెలిసింది. అలాగే హ‌రీష్ శంక‌ర్ డైరెక్ష‌న్ లో ‘భ‌వ‌దీయుడు భ‌గ‌త్ సింగ్’ అప్ డేట్, సురేంద‌ర్ రెడ్డి డైరెక్ష‌న్ లో చేయ‌నున్న మూవీ అప్ డేట్ కూడా ఇవ్వ‌నున్నార‌ని తెలిసింది. అలాగే మేన‌ల్లుడు సాయిధ‌ర‌మ్ తేజ్ తో ‘వినోద‌య సీతం’ రీమేక్ చేయ‌నున్నారు. దీనికి సంబంధించిన అప్ డేట్ కూడా రానుంద‌ని తెలిసింది. ఈ అప్ డేట్స్ తో పవర్ స్టార్ ఫ్యాన్స్ కి పండ‌గే.
Also Read : పుకార్ల‌కు చెక్ పెట్టిన పవర్ స్టార్
