ప్రభాస్ నటించిన లేటెస్ట్ మూవీ ‘ఆదిపురుష్’. ఈ చిత్రానికి ఓంరౌత్ దర్శకత్వం వహించారు. రామాయణం ఆధారంగా రూపొందుతున్న మూవీ పై భారీ అంచనాలు ఉన్నాయి. ఈ మూవీ టీజర్ కు మిశ్రమ స్పందన వచ్చింది కానీ.. ఇటీవల స్టార్ట్ చేసిన ప్రమోషనల్ కంటెంట్ తో ఆదిపురుష్ మూవీ పై పాజిటివ్ టాక్ స్టార్ట్ అయ్యింది. ప్రభాస్ రాముడుగా నటించడంతో ఎప్పుడెప్పుడు ఈ సినిమాను థియేటర్లో చూస్తామా అని అభిమానులు ఆతృతగా ఎదురు చూస్తున్నారు.
ఈ చిత్రాన్ని జూన్ 16న విడుదల చేస్తున్నారు. అయితే.. రిలీజ్ డేట్ దగ్గర పడుతుండడంతో ప్రమోషన్స్ లో స్పీడు పెంచారు. లిరికల్ సాంగ్స్, టీజర్ అండ్ ట్రైలర్ విడుదల చేసేందుకు ప్లాన్ చేస్తున్నారు. అయితే.. మే 9న ఆదిపురుష్ ట్రైలర్ రిలీజ్ చేసేందుకు సన్నాహాలు చేస్తున్నారు మేకర్స్. ఈ మూవీ ప్రీ రిలీజ్ ఈవెంట్ ని తిరుపతిలో నిర్వహించేందుకు ఆలోచన చేస్తున్నట్లు తెలుస్తోంది. దీని పై త్వరలో ప్రకటన కూడా రానుందని సమాచారం.
ఆదిపురుష్ టీజర్ రిలీజ్ చేసినప్పుడు వచ్చిన విమర్శలను సీరియస్ గా తీసుకుని మళ్లీ పోస్ట్ ప్రొడక్షన్ లో వర్క్ చేశారు. దీని వలన అదనంగా 100 కోట్లు బడ్జెట్ పెరిగినప్పటికీ.. మంచి క్వాలిటీ కంటెంట్ ఇవ్వాలనే ఉద్దేశ్యంతోనే రీ వర్క్ చేశారు. ఇప్పుడు మంచి క్వాలిటీ కంటెంట్ రెడీ అయ్యిందని.. ఆదిపురుష్ అందరికీ నచ్చేలా ఉంటుందని మేకర్స్ చెబుతున్నారు. ఈ సినిమా గురించి ప్రభాస్ అభిమానులే కాకుండా సినీ అభిమానులు అందరూ ఎదురు చూస్తున్నారు. మరి.. ఆదిపురుష్ మూవీ ఏ రేంజ్ సక్సెస్ సాధిస్తుందో చూడాలి.
