అల్లు అర్జున్ ప్రస్తుతం ‘పుష్ప 2’ మూవీ చేస్తున్నారు. ఈ చిత్రానికి సుకుమార్ దర్శకత్వం వహిస్తున్నారు. పుష్ప సినిమా సంచలన విజయం సాధించడంతో పుష్ప 2 పై భారీ అంచనాలు ఉన్నాయి. ఇటీవల రిలీజ్ చేసిన పుష్ప 2 గ్లింప్స్ కు ట్రెమండస్ రెస్పాన్స్ రావడంతో సినిమా పై రోజురోజుకు మరింతగా క్రేజ్ పెరుగుతుంది. క్రిస్మస్ లేదా సంక్రాంతికి ఈ చిత్రాన్ని విడుదల చేయాలి అనుకున్నారు కానీ.. వచ్చే సమ్మర్ లో పుష్ప 2 ప్రేక్షకుల ముందుకు వచ్చే ఛాన్స్ ఉందని సమాచారం. ఇదిలా ఉంటే… బన్నీ లైనప్ మామూలుగా లేదు అంటూ వార్తలు వస్తున్నాయి.
ఇంతకీ విషయం ఏంటంటే.. పుష్ప 2 తర్వాత బన్నీ, త్రివిక్రమ్ శ్రీనివాస్ తో సినిమా చేయనున్నాడు. ఈ చిత్రాన్ని హారిక అండ్ హాసిని క్రియేషన్స్, గీతా ఆర్ట్స్ సంయుక్తంగా నిర్మించనున్నాయి. త్వరలో ఈ చిత్రాన్ని ప్రకటించనున్నారని సమాచారం. ఈ సినిమా తర్వాత అర్జున్ రెడ్డి డైరెక్టర్ సందీప్ రెడ్డి వంగతో సినిమా చేయనున్నాడు. ఆల్రెడీ ఈ చిత్రాన్ని అనౌన్స్ చేశారు. ప్రస్తుతం యానిమల్ సినిమా చేస్తున్న సందీప్ రెడ్డి.. ఆతర్వాత ప్రభాస్ తో స్పిరిట్ అనే సినిమా చేయనున్నాడు. ఇది పూర్తైన తర్వాత బన్నీతో సినిమా చేసేలా ప్లాన్ చేసుకుంటున్నాడు సందీప్ రెడ్డి.
సందీప్ రెడ్డితో సినిమా కంప్లీట్ అయిన తర్వాత కొరటాల శివతో సినిమా ఉండనుందని తెలిసింది. బన్నీ, కొరటాల ఎప్పటి నుంచో సినిమా చేయాలి అనుకుంటున్నారు కానీ.. కొన్ని కారణాల వలన సెట్ కాలేదు. ప్రస్తుతం కొరటాల ఎన్టీఆర్ తో దేవర సినిమా చేస్తున్నాడు. ఈ సినిమా వచ్చే సంవత్సరం ఏప్రిల్ 5న విడుదల కానుంది. ఆతర్వాత నుంచి బన్నీతో చేయనున్న మూవీ స్టోరీ పై వర్క్ చేయనున్నాడని సమాచారం. అలాగే బన్నీ, ప్రశాంత్ నీల్ ప్రాజెక్ట్ కూడా ఉందని టాక్ వినిపిస్తుంది. మొత్తానికి బన్నీ లైనప్ అదిరింది.
