వైవిధ్య‌మైన చిత్రాల్లో నటించి ప్రేక్ష‌కుల్ని ఆక‌ట్టుకోవ‌డంలో సుధీర్ బాబుకి ప్ర‌త్యేక‌త వుంది. ‘ప్రేమ‌క‌థా చిత్ర‌మ్’ లాంటి హ‌ర్ర‌ర్ కామెడీతో ట్రెండ్ క్రియేట్ చేశారు. ‘భ‌లే మంచి రోజు’ లాంటి విభిన్న‌మైన క‌థ‌నంతో విజ‌యాన్ని ఖాతాలో వేసుకున్నారు. ‘న‌న్నుదోచుకుందువ‌టే’, ‘స‌మ్మొహ‌నం’ చిత్రాల‌తో యూత్ నే కాకుండా ఫ్యామిలి ఆడియ‌న్స్ కూడా ఆక‌ట్టుకున్నారు. ఆయ‌న చేస్తున్న తాజా చిత్రం ‘శ్రీదేవి సోడా సెంట‌ర్‌’.
ఈ టైటిల్ ఎనౌన్స్ చేసిన ద‌గ్గ‌ర నుండే క్రేజ్ స్టార్ట‌య్యింది. ఫస్ట్ లుక్ పోస్టర్ కి, గ్లిమ్స్ కి, తాజాగా విడుద‌ల చేసిన ‘మందులోడా’ పాట‌కి విప‌రీత‌మైన క్రేజ్ వచ్చింది. ఈ నేప‌థ్యంలోనే ఈ సినిమాలో సుదీర్ బాబుకి జోడీగా తెలుగ‌మ్మాయి ఆనంది నటిస్తోంది. ఈ సినిమాలో ఆమె పోషించిన సోడాల శ్రీదేవి పాత్ర‌కి సంబంధించిన వీడియో గ్లిమ్స్ విడుద‌ల చేశారు ద‌ర్శ‌క నిర్మాత‌లు. శ్రీదేవి క్యారెక్ట‌ర్ వీడియో గ్లిమ్స్ ప్ర‌స్తుతం సోష‌ల్ మీడియాలో ట్రెండ్ అవుతోంది.
ఈ చిత్రానికి మ‌ణిశ‌ర్మ సంగీతాన్ని అందిస్తున్నారు. ‘భ‌లే మంచిరోజు’, ‘ఆనందో బ్ర‌హ్మ’, ‘యాత్ర’ లాంటి బ్లాక్‌బ‌స్ట‌ర్ హ్య‌ట్రిక్ చిత్రాలు అందించిన ప్ర‌ముఖ నిర్మాణ సంస్థ 70 ఎంఎం ఎంట‌ర్‌టైన్మెంట్ బ్యాన‌ర్ లో నిర్మాత‌లు విజ‌య్ చిల్లా, శ‌శి దేవిరెడ్డిలు సంయుక్తంగా నిర్మిస్తున్నారు. ఈ చిత్రానికి ‘1978 ప‌లాస’ ద్వారా బ్లాక్‌బ‌స్ట‌ర్ మూవివీ….ట్రెండింగ్ సాంగ్ ని టాలీవుడ్ కి అందించిన క‌రుణ‌కుమార్ ద‌ర్శ‌క‌త్వం వ‌హిస్తున్నారు. జీ మ్యూజిక్ కంపెనీ ద్వారా ఈ చిత్రం ఆడియో విడుద‌లైంది.
