నందమూరి కళ్యాణ్ రామ్ కి బ్లాక్ బస్టర్ సక్సెస్ అందించిన చిత్రం బింబిసార. మల్లిడి వశిష్ట్ డైరెక్టర్ గా పరిచయమైన ఈ సినిమా అన్నివర్గాల ప్రేక్షకులను ఆకట్టుకుని విజయం సాధించింది. కళ్యాణ్ రామ్ కెరీర్ లోనే బిగ్గెస్ట్ హిట్ గా నిలిచింది. అయితే.. ఈ సినిమా పై ఉన్న నమ్మకంతో బింబిసార విడుదలకు ముందే బింబిసార 2 ఉంటుందని ప్రకటించారు. చెప్పినట్టుగానే బింబిసార 2 చేయడానికి వర్క్ కూడా స్టార్ట్ చేశారట. అయితే.. ఏమైందో ఏమో కానీ.. ఈ ప్రాజెక్ట్ నుంచి డైరెక్టర్ మల్లిడి వశిష్ట్ తప్పుకున్నాడు.
బింబిసార టైమ్ లోనే బింబిసార 2 కథ రెడీ చేసి ఇచ్చాడని.. వశిష్ట్ ఇచ్చిన కథతో ‘రొమాంటిక్’ డైరెక్టర్ అనిల్ పాడూరి డైరెక్షన్ లో బింబిసార 2 ఉంటుదని వార్తలు వచ్చాయి. ఈ మధ్య బింబిసార 2 కు జీ5 నుంచి 100 కోట్ల ఆఫర్ వచ్చిందని కూడా టాక్ వినిపించింది. అయితే… ఇప్పుడు అసలు బింబిసార 2 ఆగిపోయిందని.. అసలు ఉంటుందో…? ఉండదో..? చెప్పలేని పరిస్థితి అని ప్రచారం జరుగుతుంది. మేటర్ ఏంటంటే… వశిష్ట్ కథను పక్కన పెట్టి కొంత మంది రైటర్స్ తో బింబిసార 2 స్టోరీ రెడీ చేయిస్తున్నారట. కాకపోతే ఇప్పటి వరకు రెడీ చేసిన కథ కళ్యాణ్ రామ్ కు పూర్తి స్థాయిలో నచ్చలేదట.
ఇంకా కథ పై కసరత్తు జరుగుతూనే ఉందట. కళ్యాణ్ రామ్ కథ సంతృప్తిగా వచ్చిన తర్వాతే సినిమా చేద్దామని చెప్పారట. అందుకనే కళ్యాణ్ రామ్ పుట్టినరోజున డెవిల్ టీజర్ రిలీజ్ చేశారు. మరో సినిమా అనౌన్స్ మెంట్ వచ్చింది కానీ.. బింబిసార 2 అప్ డేట్ మాత్రం రాలేదు. ఇదంత చూస్తుంటే.. బింబిసార 2 ఉండదేమో అనే అనుమానాలు వస్తున్నాయి. అయితే.. బింబిసార 2 కు మంచి క్రేజ్ ఉంది కాబట్టి.. ఈ క్రేజ్ ను క్యాష్ చేసుకోవడం కోసం ఆలస్యం అయినా సరే… ఈ సినిమా చేయాలనుకుంటున్నారట.
