ధనుష్ ‘సార్’ మూవీని అభినందించిన బాలయ్య

ధనుష్‌, వెంకీ అట్లూరి కాంబినేషన్లో రూపొందిన చిత్రం ‘సార్‘. ఈ చిత్రంలో ధనుష్ కు జంటగా సంయుక్త మీనన్ నటించింది. సితార ఎంటర్ టైన్మెంట్స్ ఈ చిత్రాన్ని నిర్మించింది. సార్ టైటిల్ తో తెలుగులో రూపొందిన ఈ చిత్రాన్ని తమిళ్ లో వాతి అనే టైటిల్ తో రిలీజ్ చేశారు. తెలుగు, తమిళ్ రెండు భాషల్లోనూ ఈ సినిమా మంచి విజయాన్ని సాధించింది. ఇప్పటి వరకు దాదాపు 80 కోట్లు కలెక్ట్ చేసిన సార్ మూవీ నేటికి మంచి కలెక్షన్స్ రాబడుతుంది. 100 కోట్లు దిశగా సక్సెస్ ఫుల్ గా రన్ అవుతుంది.

సార్ విషయానికి వస్తే.. ఇది గురువు గొప్పతనాన్ని తెలియజేసిన చిత్రం. పేద విద్యార్థుల చదువు కోసం బాల గంగాధర్ తిలక్ అనే ఓ గురువు సాగించిన పోరాటమే ఈ చిత్రం. సిరిపురం అనే ఊరిలోని ప్రభుత్వ జూనియర్ కళాశాలకు జూనియర్ లెక్చరర్‌గా వెళ్ళిన కథానాయకుడు.. అక్కడ విద్యార్థులెవరూ కళాశాలకు రాకపోవడంతో వారిని తిరిగి కళాశాలకు వచ్చేలా చేస్తాడు. కుల వ్యవస్థ పై పోరాడేందుకు వారిలో చైతన్యం నింపుతాడు. ఈ చిత్రంలో విద్య గొప్పతనాన్ని తెలుపుతూ బాల గంగాధర్ తిలక్ సాగించిన పోరాటం స్ఫూర్తిదాయకంగా నిలుస్తోంది.

ఇదిలా ఉంటే.. నందమూరి నటసింహ బాలకృష్ణ‌కు సార్ సినిమా నచ్చేసింది. తాజాగా నందమూరి బాలకృష్ణకు చిత్రయూనిట్ ప్రత్యేక షో ఏర్పాటు చేశారు. సినిమా చూసిన అనంతరం.. ఆయన చిత్ర యూనిట్‌ను అభినందించారు. ఇటువంటి సినిమా చేయడం నిజంగా సాహసం అంటూ దర్శకుడిని ప్రత్యేకంగా బాలయ్య అభినందించారు. బాలయ్య నుంచి అభినందనలు అందుకున్న చిత్రయూనిట్.. సంతోషాన్ని వ్యక్తం చేస్తూ.. ఆయనకు ధన్యవాదాలు తెలిపారు. నటసింహానికి ధన్యవాదాలు తెలుపుతూ సితార ఎంటర్‌టైన్‌మెంట్స్ చేసిన ట్వీట్ ప్రస్తుతం సోషల్ మీడియాలో వైరల్ అవుతోంది.

Also Read: రియల్ బాల సార్ (కె. రంగయ్య) ని అభినందించిన వెంకీ అట్లూరి