చిరంజీవితో బాబీ ‘వాల్తేరు వీరయ్య’ అనే సినిమాను తెరకెక్కించారు. ఈ సినిమా బాక్సాఫీస్ దగ్గర బ్లాక్ బస్టర్ గా నిలిచింది. 250 కోట్లు కలెక్ట్ చేసి సెన్సేషన్ క్రియేట్ చేసింది. ‘ఆచార్య’, ‘గాడ్ ఫాదర్’ చిత్రాలతో ఆశించిన స్థాయిలో మెప్పించలేకపోయిన మెగాస్టార్ కు బాక్సాఫీస్ దగ్గర వాల్తేరు వీరయ్య ఊహించిన దానికంటే పెద్ద విజయాన్నే అందించింది. అయితే.. తర్వాత చిరంజీవి నెక్ట్స్ మూవీ ‘భోళా శంకర్’ స్టార్ట్ చేశారు. అలాగే రవితేజ ‘రావణాసుర’ షూటింగ్ లో బిజీ అయ్యారు. బాబీ మాత్రం నెక్ట్స్ మూవీ స్టార్ట్ చేయలేదు. దీంతో బాబీ నెక్ట్స్ ఏంటి అనేది ఆసక్తిగా మారింది.
అయితే.. బాబీ నెక్ట్స్ మూవీ కూడా మెగా హీరోతోనే అనే టాక్ వినిపిస్తోంది. మెగా హీరోలు అంటే.. చిరంజీవితో ఆల్రెడీ చేశాడు కాబట్టి చిరంజీవితో కాదు. ఇక పవన్ కళ్యాణ్‌ తో ‘సర్దార్ గబ్బర్ సింగ్’ చేశాడు. పైగా పవర్ స్టార్ వరుస సినిమాలతో చాలా బిజీగా ఉన్నారు. పవన్ తో కూడా కాదు అని చెప్పచ్చు. రామ్ చరణ్ ఇప్పుడు శంకర్ తో మూవీ చేస్తున్నారు. ఆతర్వాత బుచ్చిబాబుతో పాన్ ఇండియా మూవీ చేయనున్నట్టు ప్రకటించారు. చరణ్ తో మూవీ అంటే చాలా టైమ్ పడుతుంది కాబట్టి చరణ్ తో కూడా బాబీ నెక్ట్స్ మూవీ ఉండదని చెప్పచ్చు.
అల్లు అర్జున్ ప్రస్తుతం ‘పుష్ప 2’ చేస్తున్నారు. ఈ మూవీ ఇటీవలే స్టార్ట్ అయ్యింది. కంప్లీట్ కావడానికి టైమ్ పడుతుంది. ఆతర్వాత బన్నీతో సినిమా చేసేందుకు త్రివిక్రమ్, బోయపాటి, మురుగుదాస్, అట్లీ, విక్రమ్ కె కుమార్, సంజయ్ లీలీ భన్సాలీ.. ఇలా మంది దర్శకులు వెయిటింగ్ లో ఉన్నారు. అందుచేత బన్నీతో కూడా కాదు. మరి.. ఇంకెవరితో అంటే.. సాయిధరమ్ తేజ్ కానీ.. వరుణ్‌ తేజ్ కానీ ఉండచ్చు. వీరిద్దరూ కాకపోతే వైష్ణవ్ తేజ్ తో ఉండచ్చు అనే టాక్ బలంగా వినిపిస్తోంది. ఏది ఏమైనా బాబీ నెక్ట్స్ మెగా హీరో ఎవరు అనేది క్లారిటీ రావాలంటే కొన్ని రోజులు ఆగాల్సిందే.
