పవన్ కళ్యాణ్, సాయిధరమ్ తేజ్ కాంబినేషన్లో సముద్రఖని దర్శకత్వంలో తెరకెక్కుతున్న సినిమా ‘బ్రో’.ఈ సినిమాను పీపుల్ మీడియా ఫ్యాక్టరీ బ్యానర్ పై నిర్మాత టీజీ విశ్వప్రసాద్ మరియు సహనిర్మాత వివేక్ కూచిబొట్ల నిర్మిస్తున్నారు. ఈ సినిమాకు త్రివిక్రమ్ శ్రీనివాస్ స్క్రీన్ ప్లే & డైలాగ్స్ ను అందించారు.ఇటీవల ఈ సినిమా నుంచి వస్తున్న ప్రతి అప్ డేట్ సినిమాపై భారీ అంచనాలను పెంచేస్తోంది.
బ్రో ఫస్ట్ లుక్ కి కూడా మంచి రెస్పాన్స్ వచ్చింది. ఆ ఫస్ట్ లుక్ తో వింటేజ్ పవన్ కళ్యాణ్ ని చూపిస్తూ అభిమానులకు మంచి సర్ప్రైజ్ ఇచ్చింది చిత్రబృందం. రీసెంట్ గా రిలీజైన టీజర్ కి కూడా అద్భుతమైన స్పందన లభించింది. ప్రస్తుతం యూట్యూబ్ లో మిలియన్ వ్యూస్ తో దూసుకెళ్తుంది ఈ టీజర్. “బ్రో” సినిమా జులై 28న ప్రేక్షకుల ముందుకు రానుంది అని చిత్ర బృందం ఇది వరకే అధికారికంగా ప్రకటించింది. ఎన్నో అంచనాలను క్రియేట్ చేసిన ఈ “బ్రో” చిత్రాన్ని USA లో “పీపుల్ సినిమాస్” రిలీజ్ చేయనుంది.
