Hungama: యువ స‌మ్రాట్ నాగ‌చైత‌న్య న‌టించిన తాజా చిత్రం థ్యాంక్యూ. ఈ చిత్రానికి మ‌నం ఫేమ్ విక్ర‌మ్ కుమార్ ద‌ర్శ‌క‌త్వం వ‌హించారు. ఈ చిత్రాన్ని శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు నిర్మించారు. ఇందులో నాగ‌చైత‌న్య స‌ర‌స‌న రాశీఖ‌న్నా, మాళ‌విక నాయ‌ర్, అవికా గోర్ న‌టించారు. విభిన్న క‌థాంశంతో రూపొందిన ఈ చిత్రానికి బివిఎస్ ర‌వి కథ అందించారు. ఈ సినిమా ఎప్పుడో పూర్త‌య్యింది కానీ.. క‌రోనా కార‌ణంగానూ అలాగే స‌మ్మ‌ర్ లో భారీ చిత్రాలు రిలీజ్ కార‌ణంగా స‌రైన డేట్ కోసం ఎదురు చూడ‌డం ఇంత ఆల‌స్యం అయ్యింది.
జులై 8న ఈ చిత్రాన్ని రిలీజ్ చేయ‌డానికి ప్లాన్ చేస్తున్నారు. టీజ‌ర్ తో పాటు రెండు పాటలు కూడా విడుదల చేశారు. ఇంకా రిలీజ్ డేట్ కి చాలా టైమ్ ఉన్న‌ప్ప‌టికీ చైతూ అభిమానులు ఇప్ప‌టి నుంచే థియేట‌ర్ల ద‌గ్గ‌ర సందడి స్టార్ట్ చేసేసారు. మ‌జిలీ, వెంకీమామ, ల‌వ్ స్టోరీ, బంగార్రాజు.. ఇలా వ‌రుస‌గా స‌క్సెస్ సాధిస్తున్న చైత‌న్య‌కి థ్యాంక్యూ మూవీ కూడా విజ‌యాన్ని అందిస్తుంద‌ని గ‌ట్టి న‌మ్మ‌కంతో ఉన్నారు అభిమానులు.
అయితే.. మేక‌ర్స్ మాత్రం ప్ర‌మోష‌న్స్ లో కాస్త వెన‌బ‌డే ఉన్నార‌ని చెప్ప‌చ్చు. ఈ మూవీ నుంచి సాంగ్స్ రిలీజ్ చేస్తున్నారు కానీ.. స‌రిగా ప్ర‌మోట్ చేయ‌డం లేద‌నే టాక్ వినిపిస్తోంది. ఈ నెలాఖ‌రు నుంచి ఈ సినిమా ప్ర‌మోష‌న్స్ లో స్పీడు పెంచ‌నున్నార‌ని స‌మాచారం. మ‌రి.. ఈ సినిమా చైత‌న్య‌కి ఏ రేంజ్ స‌క్సెస్ అందిస్తుందో చూడాలి.
