Acharya-Hindi: బాహుబ‌లి సినిమా చ‌రిత్ర సృష్టించ‌డంతో తెలుగు సినిమా స‌త్తా ఏంటి అనేది ప్ర‌పంచానికి తెలిసింది. దీంతో మేక‌ర్స్ భారీ పాన్ ఇండియా మూవీస్ చేయ‌డానికి ముందుకు వ‌స్తున్నారు. అలాగే పుష్ప సినిమాకి బాలీవుడ్ లో అనూహ్య‌మైన స్పంద‌న రావ‌డం.. 100 కోట్ల రూపాయలకు పైగా క‌లెక్ట్ చేయ‌డంతో మన సినిమాల‌ను నార్త్ ఆడియ‌న్స్ ఎంత‌గా ఇష్ట‌ప‌డుతున్నారో అర్థం అయ్యింది. అందుక‌నే ఇప్పుడు టాలీవుడ్ మేక‌ర్స్ త‌మ సినిమాల‌ను బాలీవుడ్ లో భారీ స్ధాయిలో రిలీజ్ చేసేందుకు ప్లాన్ చేస్తున్నారు.
ప‌వ‌ర్ స్టార్ ప‌వ‌న్ క‌ళ్యాణ్ న‌టించిన భారీ మ‌ల్టీస్టార‌ర్ భీమ్లా నాయ‌క్. యంగ్ టాలెంటెడ్ డైరెక్ట‌ర్ సాగ‌ర్ కె చంద్ర ద‌ర్శ‌క‌త్వం వ‌హించిన భీమ్లా నాయ‌క్ చిత్రానికి మాట‌ల మాంత్రికుడు త్రివిక్ర‌మ్ శ్రీనివాస్ స్ర్కీన్ ప్లే – సంభాష‌ణ‌లు అందించ‌డం విశేషం. సితార ఎంట‌ర్ టైన్మెంట్ బ్యాన‌ర్ పై సూర్య‌దేవ‌ర నాగ‌వంశీ ఈ చిత్రాన్ని నిర్మించారు. ఫిబ్ర‌వ‌రి 25న భీమ్లా నాయ‌క్ చిత్రం రిలీజ్ కానుంది. అయితే.. తెలుగుతో పాటు హిందీలో కూడా భీమ్లా నాయ‌క్ చిత్రం భారీ స్థాయిలో విడుద‌ల చేయ‌డానికి ప్లాన్ చేస్తున్నారు.
ఇప్పుడు భీమ్లా నాయ‌క్ బాట‌లో ఆచార్య కూడా వెళ్లేందుకు రెడీ అయ్యింద‌ని స‌మాచారం. ఇంత‌కీ విష‌యం ఏంటంటే.. మెగాస్టార్ చిరంజీవి, మెగా ప‌వ‌ర్ స్టార్ రామ్ చ‌ర‌ణ్ ల క్రేజీ కాంబినేష‌న్లో రూపొందుతోన్న భారీ చిత్రం ఆచార్య. ఈ భారీ చిత్రానికి బ్లాక్ బ‌స్ట‌ర్ డైరెక్ట‌ర్ కొర‌టాల శివ ద‌ర్శ‌క‌త్వం వ‌హించారు. ఈ సినిమాని ఏప్రిల్ 29న రిలీజ్ చేయ‌నున్నారు. ఈ సినిమాను కూడా భీమ్లా నాయ‌క్ వ‌లే హిందీలో కూడా రిలీజ్ చేసేందుకు ప్లాన్ చేస్తున్నారు. మ‌రి.. బాలీవుడ్ బాక్సాఫీస్ ద‌గ్గ‌ర భీమ్లా నాయ‌క్, ఆచార్య ఎంత వ‌ర‌కు మెప్పిస్తారో.. ఏ రేంజ్ క‌లెక్ష‌న్స్ సాధిస్తారో చూడాలి.
Also Read : ఆచార్య ఏప్రిల్ 29న గ్రాండ్ రిలీజ్
