గ్రామాల్లో ఉన్న ఆణిముత్యాలను వెలికి తీయడం, క్రీడల ద్వారా ఆరోగ్యానికి ఎంత మేలు జరుగుతుందన్న విషయంపై అవగాహన కలిగించడం ఆడుదాం ఆంధ్ర ప్రధాన ఉద్దేశాలని రాష్ట్ర ముఖ్యమంత్రి వైఎస్ జగన్ మోహన్ రెడ్డి స్పష్తం చేశారు. నేడు మొదలవుతున్న ఈ క్రీడా సంబరాలు 47 రోజులపాటు ఫిబ్రవరి 10వరకూ ఊరూరా పండుగ వాతావరణంలో జరుగుతాయని వెల్లడించారు. మన రాష్ట్రంలో ప్రతీ క్రీడాకారుడికి ప్రోత్సాహం ఇచ్చే ఈ ‘ఆడుదాం ఆంధ్ర’ దేశ చరిత్రలోనే ఒకమైలు రాయిగా నిలబడిపోతుందని చెప్పడానికి గర్వపడుతున్నానంటూ వ్యాఖ్యానించారు. గుంటూరు జిల్లా నల్లపాడు లయోలా పబ్లిక్ స్కూల్లో ఆడుదాం ఆంధ్రా క్రీడా సంబరాలను సిఎం జగన్ లాంఛనంగా ప్రారంభించారు.
సిఎం ప్రసంగంలోని ముఖ్యాంశాలు:
* ఇవి అందరూ పాల్గొనే ఒక గొప్ప పండుగగా హిస్టరీలో నిలబడిపోతుంది.
* దీని ద్వారా రెండు ప్రధానమైన ఉద్దేశాలు రాష్ట్ర ప్రభుత్వం గట్టిగా అచీవ్‌ చేయాలని ప్రయత్నిస్తోంది.
* ఒకటి.. వ్యాయామం, స్పోర్ట్స్ వల్ల ఆరోగ్యానికి ఎంత మేలు జరుగుతుందన్న విషయంపై ఒక అవేర్‌నెస్‌ ప్రోగ్రామ్‌గా ఉపయోగపడుతుంది.
* క్రమం తప్పకుండా ఎక్సర్‌సైజులు చేయడం వల్ల బ్లడ్‌ ప్రజర్‌లాంటివి కంట్రోల్‌లో ఉంచగలుగుతాం
* టైప్‌2 డయాబెటిస్‌ లాంటివి నిరోధించడంలో స్పోర్ట్స్ క్రియాశీలకంగా పనిచేస్తాయి
* వ్యాయామం ఎంతో అవసరమన్నదానిపై గ్రామస్థాయిలోకి మెసేజ్‌ తీసుకొనిపోయే గొప్ప కార్యక్రమం ఇది.
* టీబీ ఎక్కువయిందంటే గుండెపోటుకు చెందిన అనేక రకాల రోగాలు వస్తాయి.
* షుగర్‌ ఎక్కువైనా కూడా కిడ్నీ, న్యూరాలజీకి సంబంధించిన రోగాలు వస్తాయి.
* ఇటువంటివన్నీ కంట్రోల్‌లో ఉండాలంటే వ్యాయామం, స్పోర్ట్స్ అన్నది ఎంతో అవసరం
* గ్రామ స్థాయి నుంచే ఈ కార్యక్రమానికి అడుగులు వేగంగా వేయిస్తున్నాం.
* రెండో ముఖ్యమైన ఆబ్జెక్టివ్‌.. గ్రామాల్లో ఉన్న ఆణిముత్యాలను వెతకడం
* అలాంటి ముత్యాలను బాగా సానబెట్టి వజ్రంగా మలచి దేశానికి అంతర్రాష్ట్రీయంగా పరిచయం చేయడం
* ఆ పిల్లలకు తోడ్పాటు ఇచ్చేందుకు, సాయంగా ఉండేందుకు రాష్ట్ర ప్రభుత్వానికి తోడుగా ఉంటూ ఆణిముత్యాలుగా తీర్చిదిద్దే కార్యక్రమంలో భాగస్వాములు కావడానికి టీములు ముందుకొచ్చాయి.
* క్రికెట్‌కు సంబంధించి చెన్నై సూపర్‌ కింగ్స్‌ ముందుకొచ్చింది.
* ఆంధ్ర క్రికెట్‌ అసోసియేషన్‌ కూడా భాగస్వాములయ్యేందుకు ముందుకొచ్చారు.
* నియోజకవర్గ స్థాయి నుంచి ప్రొఫెసనల్‌ లెవల్‌లో వీళ్లంతా పార్టిసిపేట్‌ చేస్తారు.
* బ్యాడ్మింటన్‌కు సంబంధించి కిడాంబి శ్రీకాంత్‌, పివి సింధు ఉన్నారు.
* వీళ్లకు మన రాష్ట్రంలో ఒకరికి విశాఖలో ల్యాండ్‌, ఇంకొకరికి తిరుపతిలో ఇచ్చాం.
* బ్యాడ్మింటన్‌ అకాడమీస్‌ స్థాపించేందుకు రాష్ట్ర ప్రభుత్వం అన్ని రకాలుగా సహకరిస్తోంది.
* మెంటార్లుగా మన ట్యాలెంట్‌ను గుర్తించడంలో, వజ్రాలుగా మలచడంలో వీరు తోడుగా ఉంటారు
* ప్రైమ్‌ వాలీబాల్‌, ప్రో కబడ్డీ ఆర్గనైజర్లు ముందుకు రావడం జరిగింది.
* రాష్ట్ర ప్రభుత్వంతో వీళ్లంతా కలిసి పని చేస్తారు.
* ఈ కార్యక్రమం ఇక మీదట నుంచి ప్రతి సంవత్సరం కూడా జరుగుతుంది
* ప్రతి ఏటా గ్రామస్థాయి నుంచి మొదలై, మండల స్థాయి, జిల్లా స్థాయి, రాష్ట్ర స్థాయిలో జరుగుతాయి.
* గ్రామాల్లో అవేర్‌నెస్‌ క్రియేట్‌ అవుతుంది. ఆరోగ్యపరమైన అవేర్‌నెస్‌, మరో రకంగా ట్యాలెంట్‌ హంట్‌
* మరిన్ని ఆణిముత్యాలు మన జాతీయ, అంతర్జాతీయ స్థాయిలో మన రాష్ట్రం నుంచి కనిపిస్తాయి
*రాష్ట్ర వ్యాప్తంగా సచివాలయస్థాయి నుంచి 34.19 లక్షలమంది ప్లేయర్లు రిజిస్ట్రేషన్‌ చేయించుకున్నారు.
* 88.66 లక్షల మంది ప్రేక్షకులుగా ఎంకరేజ్‌ చేసేందుకు ముందుకొచ్చారు.
* 1.22 కోట్ల మంది మన పిల్లలకు తోడుగా ఉండేందుకు సిద్ధంగా ఉన్నారు.
* 15 వేల సచివాలయాల పరిధిలో, ఇప్పటికే 9 వేల ప్లే గ్రౌండ్లు గుర్తించడం జరిగింది.
* ప్రభుత్వ పాఠశాలలు, కాలేజీ మైదానాలు, యూనివర్సిటీ గ్రౌండ్లు, మున్సిపల్‌ స్టేడియంలు, జిల్లా స్పోర్ట్స్ కాంప్లెక్స్‌లను గుర్తించడం జరిగింది.
* రాబోయే కాలంలో అడుగులు ఇంకా వేగంగా పడతాయి. ప్రతి స్కూల్లోనూ ఎంకరేజ్‌ చేస్తాం
* స్కూళ్ల దాకా కిట్లు ఇచ్చే కార్యక్రమం తీసుకుంటూ పోతాం
* మీ అందరికీ ఆల్‌ ద వెరీ బెస్ట్‌ విషెస్‌ మీ అన్నగా తెలియజేస్తూ మంచి జరగాలని మనసారా కోరుకుంటూ దేవుడి చల్లని దీవెలు రాష్ట్రానికి, మనందరి ప్రభుత్వానికి, నా తమ్ముళ్లందరికీ ఉండాలని మనసారా కోరుకుంటూ సెలవు తీసుకుంటున్నా.
