నందమూరి కళ్యాణ్ రామ్ కెరీర్ లో ఎప్పటికీ మరచిపోలేని సినిమా. పెద్దగా అంచనాలు లేకుండా వచ్చిన బింబిసార చిత్రం అన్నివర్గాల ప్రేక్షకులను ఆకట్టుకుని బ్లాక్ బస్టర్ సాధించింది. ఈ సినిమా ద్వారా మల్లిడి వశిష్ట్ డైరెక్టర్ గా పరిచయం అయ్యారు. ఈ సినిమా రిలీజ్ కాకుండానే ‘బింబిసార 2’ ఉంటుందని ప్రకటించారు. బింబిసార తర్వాత కళ్యాణ్ రామ్ ‘అమిగోస్’ అనే విభిన్న కథా చిత్రం చేయడం.. అది రిలీజ్ అవ్వడం జరిగింది కానీ.. బింబిసార 2 గురించి ఎలాంటి అప్ డేట్ లేదు. ఎప్పుడు బింబిసార 2 ఉంటుంది..? అని ఆరా తీస్తే.. ఆసక్తికర విషయం తెలిసింది.
ఇంతకీ విషయం ఏంటంటే.. బింబిసార 2 చిత్రానికి మల్లిడి వశిష్ట్ డైరెక్టర్ కాదట. కొన్ని కారణాల వలన మల్లిడి వశిష్ట్ ఈ ప్రాజెక్ట్ నుంచి తప్పుకున్నాడట. కాకపోతే కథాచర్చల్లో పాల్గొనడం.. ఈ కథను తనే రాయడం వలన కథారచయితగా మల్లిడి వశిష్ట్ పేరు ఉంటుందట. కాకపోతే డైరెక్టర్ ఎవరు అనేది ఇంకా ఫైనల్ కాలేదని వార్తలు వస్తున్నాయి. అయితే.. రొమాంటిక్ మూవీతో డైరెక్టర్ అయిన అనిల్ పాడూరి ఈ చిత్రానికి దర్శకత్వం వహించే ఛాన్స్ ఉందని సమాచారం. ప్రస్తుతం ప్రీ ప్రొడక్షన్ వర్క్ జరుగుతుంది. త్వరలోనే డైరెక్టర్ ఎవరు అనేది ప్రకటించనున్నారు.
సోషియో ఫాంటసీ మూవీగా రూపొందే ఈ చిత్రాన్ని ఎన్టీఆర్ ఆర్ట్స్ బ్యానర్ పై కళ్యాణ్ రామ్ నిర్మిస్తున్నారు. అయితే.. డిస్నీ హాట్ స్టార్ కూడా నిర్మాణ భాగస్వామిగా చేరనున్నారని సమాచారం. బింబిసార బ్లాక్ బస్టర్ సాధించడంతో బింబిసార 2 అంటే.. భారీ అంచనాలు ఉంటాయి. ఆ అంచనాలకు ఏమాత్రం తగ్గకుండా ఈ సినిమా ఉంటుందని టీమ్ చెబుతున్నారు. త్వరలోనే ఈ సినిమా సెట్స్ పైకి రానుంది.
