గోపీచంద్, న‌య‌న‌తార హీరో హీరోయిన్లుగా బి. గోపాల్‌ దర్శకత్వంలో రూపొందిన యాక్షన్ ఎంటర్టెనర్ ‘ఆరడుగుల బుల్లెట్‌’. జయబాలజీ రీల్‌ మీడియా ప్రైవేట్‌ లిమిలెట్‌ పతాకంపై తాండ్ర రమేష్‌ ఈ చిత్రాన్ని నిర్మించారు. ఈ భారీ యాక్షన్ ఎంటర్ టైనర్ మూవీని అక్టోబర్ లో ప్రేక్షకుల ముందుకు తీసుకురానున్నారు. వ‌క్కంతం వంశీ కథ, మ‌ణిశ‌ర్మ మ్యూజిక్ అందించారు. అతి త్వరలో ఈ మూవీ ప్రమోషన్స్ ను మొదలు పెట్టనున్నారు.
ఈ సినిమా ఎప్పుడో ప్రేక్షకుల ముందుకు రావాలి కానీ.. కొన్ని కారణాల వలన వాయిదా పడుతూ వచ్చింది. ప్రకాష్‌రాజ్, బ్రహ్మానందం, అభిమన్యు సిన్హా తదితరులు ఇతర ముఖ్యపాత్రల్లో నటించారు. ఈ సినిమాకు ఫొటోగ్రాఫర్‌: బాలమురగన్‌, డైలాగ్స్‌: అబ్బూరి రవి, ఎడిటింగ్‌: కోటగిరి వెంకటేశ్వరరావు, పిఆర్ఒ: వంశీ-శేఖ‌ర్‌.
