పవన్ కళ్యాణ్, ‘గబ్బర్ సింగ్’ డైరెక్టర్ హరీష్ శంకర్ కాంబినేషన్ లో ‘భవదీయుడు భగత్ సింగ్’ అనే సినిమా రానుందని కొన్ని సంవత్సరాల క్రితం ప్రకటించారు. ప్రముఖ నిర్మాణ సంస్థ మైత్రీ మూవీ మేకర్స్ సంస్థ ఈ చిత్రాన్ని ప్రకటించింది. గబ్బర్ సింగ్ కాంబో కావడంతో పవర్ స్టార్ అభిమానులు ఎప్పుడెప్పుడు ఈ సినిమా సెట్స్ పైకి వెళుతుందా అని ఆతృతగా ఎదురు చూస్తున్నారు. అయితే.. పవన్ కళ్యాణ్ మాత్రం ఇప్పటి వరకు ఈ మూవీకి డేట్స్ ఇవ్వలేదు. దీంతో ‘భవదీయుడు భగత్ సింగ్’ మూవీ అసలు ఉందా..? లేదా అనే అనుమానాలు కూడా స్టార్ట్ అయ్యాయి.
పవన్ ప్రస్తుతం ‘హరి హర వీరమల్లు’ సినిమాని పూర్తి చేసే పనిలో ఉన్నారు. ఈ సినిమా ఇప్పటి వరకు యాభైశాతం మాత్రమే షూటింగ్ పూర్తి చేసుకుంది. ఈ మూవీ కంప్లీట్ అయిన తర్వాత భవదీయుడు భగత్ సింగ్ షూటింగ్ స్టార్ట్ చేస్తారని ప్రచారం జరుగుతుంది. అయితే… ఈ మూవీకి పవన్ ఎప్పుడు డేట్స్ ఇస్తారో..? ఎప్పుడు స్టార్ట్ అవుతుందో క్లారిటీ లేకపోవడంతో ఈ చిత్రం కంటే ముందు మరో సినిమా చేయాలని హరీష్ శంకర్ ఫిక్స్ అయ్యారట. ఎవరితో సినిమా చేయనున్నాడంటే.. మెగా హీరో వరుణ్ తేజ్ తో అని టాక్ వినిపిస్తోంది.
వరుణ్ తేజ్ కి హరీష్ శంకర్ ఓ కథ చెప్పాడని, వరుణ్ తేజ్ గ్రీన్ సిగ్నల్ కూడా ఇచ్చాడని ప్రచారం జరుగుతుంది. ఈ సినిమాని బండ్ల గణేశ్ నిర్మిస్తున్నారని, ఇది ఒక కమర్షియల్ ఎంటర్టైనర్ అని తెలుస్తోంది. గతంలో వరుణ్ తో హరీష్ శంకర్ ‘గద్దలకొండ గణేష్’ అనే హిట్ మూవీ తీసారు. ఈ మూవీ కమర్షియల్ సక్సెస్ సాధించడంతో పాటు వరుణ్ తేజ్ కు మంచి పేరు తీసుకువచ్చింది. దీంతో ఇప్పుడు వరుణ్ కోసం హరీష్ శంకర్ లాంటి కథ రాశాడు అనేది ఆసక్తిగా మారింది.
