India at 3rd: ఫెడరేషన్ అఫ్ ఇంటర్నేషనల్ హాకీ (ఎఫ్ఐహెచ్) ఆధ్వర్యంలో నిర్వహించే ప్రోలీగ్ హాకీ టోర్నమెంట్ 2021-22 సీజన్ ను భారత మహిళా జట్టు విజయంతో ముగించింది. నిన్న అమెరికాతో జరిగిన మొదటి మ్యాచ్ ను 5-0తో గెలుచుకున్న ఇండియా నేడు జరిగిన రెండో మ్యాచ్ లో 4-0తో విజయం సాధించింది.
నేడు ఆట 39వ నిమిషంలో వందన కటారియా పెనాల్టీ కార్నర్ ద్వారా తొలి గోల్ సాధించి బోణీ చేసింది, 54వ నిమిషంలో మరో ఫీల్డ్ గోల్ సాధించి ఇండియా ఆధిక్యాన్ని 2-0కు చేర్చింది వందన. అదే సమయం వద్ద సోనిక మరో గోల్ సాధించింది. 57వ నిమిషంలో సంగీతా కుమారి మరో ఫీల్డ్ గోల్ చేసి 4-0 ఆధిక్యం సంపాదించింది. ఆట ముగిసే సమయానికి అమెరికా గోల్ చేయలేకపోవడంతో ఇండియా విజయం సొంతం చేసుకుంది.
మొత్తం 9 దేశాలు పాల్గొన్న ఈ టోర్నీ అధికారికంగా మరో రెండు రోజుల్లో ముగియనుంది, అయితే ఇప్పటికే అర్జెంటీనా ఛాంపియన్ గా కప్ సొంతం చేసుకుంది. మిగిలిన మ్యాచ్ లు నామమాత్రమే కానున్నాయి.
నెదర్లాండ్స్ రెండో స్థానంలో ఉండగా, భారత మహిళల జట్టు మూడో స్థానాన్ని దక్కించుకుంది,
 ఆధ్వర్యంలో నిర్వహించే ప్రోలీగ్ హాకీ టోర్నమెంట్ 2021-22 సీజన్ ను భారత మహిళా జట్టు విజయంతో.India Beat Usa In The Second Match Also At Fih Pro League Tourney){kind=link}