Share to Facebook Share to Twitter share to whatapp share to telegram

జింబాబ్వేతో జరుగుతోన్న మూడు వన్డేల సిరీస్ లో భాగంగా నేడు జరిగిన తొలి వన్డేలో ఇండియా ఏకపక్షంగా విజయం సాధించింది. జింబాబ్వేను 189పరుగులకే కట్టడి చేసిన ఇండియా ఈ లక్ష్యాన్ని వికెట్ నష్టపోకుండా 30.5 ఓవర్లలోనే సాధించింది. ఓపెనర్లు శిఖర్ ధావన్-81 (113 బంతుల్లో 9 ఫోర్లు); శుభమన్ గిల్ – 82 (71 బంతుల్లో 10 ఫోర్లు, 1సిక్సర్)  తో అజేయంగా నిలిచి విజయం అందించారు.

హరారే లోని స్పోర్ట్స్ క్లబ్ మైదానంలో జరిగిన ఈ మ్యాచ్ లో ఇండియా టాస్ గెలిచి బౌలింగ్ ఎంచుకుంది. జింబాబ్వే 31 పరుగులకే నాలుగు వికెట్లు కోల్పోయింది. జట్టులో కెప్టెన్ చకాబ్వా-35; నగరవ-34; బ్రాడ్ ఎవాన్స్-33 పరుగులతో రాణించారు. మిగిలిన బ్యాట్స్ మెన్ విఫలమయ్యారు. 40.3 ఓవర్లలో 189 పరుగులకు ఆలౌట్ అయ్యింది.

ఇండియా బౌలర్లలో దీపక్ చాహర్, ప్రసిద్ కృష్ణ, అక్షర్ పటేల్ తలా మూడు, సిరాజ్ ఒక వికెట్ పడగొట్టారు.

ఆ తర్వాత ఇండియా మరో 19.1 ఓవర్లు మిగిలి ఉండగానే 192 పరుగులు చేసింది.

దీపక్ చాహార్ కు ‘మ్యాన్ అఫ్ ద మ్యాచ్’ దక్కింది.

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com