ఓడిశా రాజధాని భువనేశ్వర్, కళింగ స్టేడియంలో జరుగుతున్న పురుషుల హాకీ జూనియర్ వరల్డ్ కప్ లో నేటితో పూల్ మ్యాచ్ లు పూర్తయ్యాయి. ఇండియా క్వార్టర్ ఫైనల్స్ లో బెల్జియంతో తలపడనుంది. డిసెంబర్ 1న ఉదయం 10.30 గంటలకు ఈ మ్యాచ్ జరగనుంది.
ఇప్పటికే పూల్ ‘ఏ’ నుంచి బెల్జియం, మలేషియా…. పూల్ ‘బి’ నుంచి ఫ్రాన్స్, ఇండియా జట్లు క్వార్టర్ ఫైనల్స్ కు చేరుకున్న సంగతి తెలిసింది.
నేడు జరిగిన మ్యాచ్ ల తరువాత పూల్ ‘సి’ నుంచి నెదర్ల్యాండ్స్, స్పెయిన్… పూల్ ‘డి’ నుంచి అర్జెంటీనా, జర్మనీ జట్లు క్వార్టర్ ఫైనల్స్ కు చేరుకున్నాయి
ఈరోజు పూల్ ‘సి’ మ్యాచ్ ల్లో కొరియాపై స్పెయిన్ 9-0 తేడాతో విజయం సాధించగా, నెదర్ల్యాండ్స్ 14-0 గోల్స్ తేడాతో అమెరికాను చిత్తు చేసింది.
పూల్ ‘డి’ మ్యాచ్ ల్లో పాకిస్తాన్ పై అర్జెంటీనా 3-4 తేడాతో గెలిచింది. మరో మ్యాచ్ లో జర్మనీ 11-0 గోల్స్ తేడాతో ఈజిప్ట్ ను ఓడించింది.
Also Read : మలేషియా-బెల్జియం మ్యాచ్ డ్రా
‘ఐ’ధాత్రి న్యూస్ డెస్క్ లో అనుభవజ్ఞులయిన జర్నలిస్టులు, కాపీ ఎడిటర్లు, అనువాదకులు, డిజైనర్లు, డిజిటల్ మీడియా సాంకేతిక నిపుణులు పనిచేస్తుంటారు.