మాస్ మహారాజా రవితేజ న‌టిస్తున్న తాజా చిత్రం ‘ధమాకా‘. దర్శకుడు త్రినాధరావు నక్కిన దీన్ని రూపొందిస్తున్నారు. రవితేజ, శ్రీలీల ఇద్దరి ఫస్ట్ లుక్ ఆసక్తిని పెంచింది. ఈ రోజు, చిత్రంలోని మొదటి సింగిల్ `జింతాక్` లిరికల్ వీడియోను విడుదల చేశారు.
మంచి చార్ట్‌బస్టర్ గా సంగీత దర్శకుడు భీమ్స్ సిసిరోలియో ఒక సామూహిక, జానపద-నృత్య రీతితో ముందుకు వచ్చారు. బీట్స్ అన్నీ స‌రికొత్త‌గా, పెప్సీగా ఉన్నాయి. బాణీలతో పాటు గాత్రాన్ని కూడా , భీమ్స్ సిసిరోలియో అందించారు. మంగ్లీ కూడా దీనికి గొంతు క‌లిపారు. వీరిద్దరూ తమ చురుకైన గానంతో పాటకు ఎనర్జీ చేకూర్చారు.
రవితేజ, శ్రీలీల మాస్ డ్యాన్స్‌లు ఈ పాటకు పెద్ద ఆకర్షణగా నిలిచాయి. నిర్మాత టీజీ విశ్వ ప్రసాద్ భారీ స్థాయిలో ధమాకాను నిర్మిస్తున్నారు. పీపుల్ మీడియా ఫ్యాక్టరీ & అభిషేక్ అగర్వాల్ ఆర్ట్స్ పతాకాల పై రూపొందుతున్న ఈ చిత్రానికి వివేక్ కూచిభొట్ల సహ నిర్మాత.
