పాదయాత్రలో తనకు షేక్ హ్యాండ్ ఇచ్చినందుకుఒక ఆర్టీసీ డ్రైవర్ ను వైసీపీ ప్రభుత్వం ఉద్యోగంలోంచి తీసేసిందంటూ నారా లోకేష్ చేసిన వ్యాఖ్యలను తెలుగుదేశం ప్రధాన కార్యదర్శి నారా లోకేష్ చేసిన వ్యాఖ్యలను ఆంధ్ర ప్రదేశ్ రాష్ట్ర రోడ్డు రవాణా సంస్థ తీవ్రంగా ఖండించింది.
నిన్న లోకేష్ మీడియాతో మాట్లాడుతూ ఈ ఆరోపణ చేశారు. పాదయాత్రలో తనకు మద్దతు తెలిపినందుకు ఒక ఆర్టీసీ డ్రైవర్ ను వైసీపీ ప్రభుత్వం ఉద్యోగంలోంచి తీసేసిందని… అతను చేసిన పాపం ఏంటని లోకేష్ ప్రశ్నించారు. ఇది పాలకుల్లో ఉన్న భయానికి నిదర్శనమని, పాదయాత్ర పట్ల భయం లేకపోతే మా ప్రచార వాహనాలను ఎందుకు సీజ్ చేశారని అడిగారు.
దీనిపై ఆర్టీసీ యాజమాన్యం స్పందించింది. “ఈ వార్త పూర్తిగా నిరాధారం. మీడియాలో వస్తున్న ఈ వార్తలను మేము తీవ్రంగా ఖండిస్తున్నాం. ఇలాంటి తప్పుడు ఆరోపణ చేస్తున్న సామాజిక మాధ్యమాల నిర్వాహకులపై న్యాయపరమైన చర్యలకు ఉపక్రమిస్తాం” అంటూ ఓ ట్వీట్ చేసింది.
లోకేష్ ప్రస్తావించిన డ్రైవర్ గోవిందరాజులు ఇప్పటికీ పలమనేరు ఆర్టీసీ డిపోలో పనిచేస్తున్నారని, తొలగించారన్న వార్తలు అవాస్తవమని ఆర్టీసీ అధికారులు స్పష్టం చేశారు.
Also Read : నేను నిజాలే చెబుతా: లోకేష్
