మహేష్ బాబు, త్రివిక్రమ్ శ్రీనివాస్ కాంబినేషన్లో రూపొందిన ‘అతడు’, ‘ఖలేజా’ చిత్రాలు ఇద్దరికీ మంచి పేరు తీసుకువచ్చాయి. దీంతో వీరిద్దరూ కలిసి మరో సినిమా ఎప్పుడెప్పుడు చేస్తారా అని ఎదురుచూస్తుంటే.. ఇటీవల ఈ క్రేజీ కాంబినేషన్ సెట్ అయ్యింది. ప్రముఖ నిర్మాణ సంస్థ హారిక అండ్ హాసిని క్రియేషన్స్ బ్యానర్ పై రాధాకృష్ణ ఈ చిత్రాన్ని నిర్మిస్తున్నారు. ఎస్ఎస్ థమన్ సంగీతం అందిస్తున్నారు. ఇందులో పూజా హేగ్డేను ఎంపిక చేశారు.
ఈ మూవీ ఫస్ట్ షెడ్యూల్ కంప్లీట్ అయిన తర్వాత కొంత గ్యాప్ ఇచ్చారు. ఆతర్వాత ఈ స్టోరీ నచ్చలేదని.. మహేష్ స్టోరీ మార్చమన్నాడని వార్తలు వచ్చాయి. అంతా సెట్ అయ్యింది కొత్తగా షూటింగ్ స్టార్ట్ చేయనున్నారు అనుకుంటే.. కృష్ణ ఆకస్మిక మరణంతో షూటింగ్ కి బ్రేక్ పడింది. దీంతో ఇప్పట్లో మహేష్ బాబు షూటింగ్ కి వెళ్లడు. ఈ సినిమాని సమ్మర్ లో రిలీజ్ చేయాలి అనుకున్నారు కానీ.. చాలా ఆలస్యం అవుతుందని అనుకున్నారు. అయితే.. ఎట్టి పరిస్థితుల్లోనూ సమ్మర్ లోనే ఈ సినిమాని విడుదల చేసేందుకు ప్లాన్ చేస్తున్నారని టాక్ వచ్చింది.
లేటెస్ట్ న్యూస్ ఏంటంటే… డిసెంబర్ ఫస్ట్ వీక్ లో ఈ సినిమా షూటింగ్ స్టార్ట్ చేయడానికి ప్లాన్ చేస్తున్నారని సమాచారం. ఎంత ఫాస్ట్ గా షూటింగ్ చేసినా సమ్మర్ లో రిలీజ్ చేయడం కష్టం. అందుచేత ఈ మూవీని సమ్మర్ లో కాకుండా వచ్చే సంవత్సరం స్వాతంత్ర దినోత్సవం సందర్భంగా ఆగష్టు 11న విడుదల చేయడానికి ప్లాన్ చేస్తున్నారని సమాచారం. మరో విషయం ఏంటంటే.. ఈ సినిమాని పాన్ ఇండియా మూవీగా ప్లాన్ చేస్తున్నారట. తెలుగుతో పాటు తమిళ్, మలయాళ, కన్నడ, హిందీ భాషల్లో కూడా ఈ చిత్రాన్ని భారీ స్థాయిలో విడుదల చేయనున్నారు. మరి.. మహేష్, త్రివిక్రమ్ బాక్సాఫీస్ దగ్గర ఎలాంటి రికార్టులు సెట్ చేస్తారో చూడాలి.
