కార్తీక్ సుబ్బరాజ్ డైరెక్ష‌న్‌లో స్టోన్ బెంచ్ ఫిలిమ్స్ బ్యాన‌ర్‌పై కార్తికేయ‌న్ నిర్మిస్తోన్న చిత్రం ‘జిగర్ తండా డబుల్ ఎక్స్’. రాఘ‌వ లారెన్స్‌, ఎస్‌.జె.సూర్య ప్ర‌ధాన పాత్ర‌ల్లో న‌టిస్తున్నారు. హై యాక్షన్ డ్రామాగా తెర‌కెక్కుతోంది. ఈరోజు ఈ సినిమా టీజర్‌ను సూపర్ స్టార్ మహేష్ బాబు రిలీజ్ చేసి చిత్ర యూనిట్‌కి అభినందనలు తెలియజేశారు. తెలుగు టీజర్‌ను మహేష్ విడుదల చేయగా తమిళ టీజర్‌ను ధనుష్, కన్నడ టీజర్‌ను రక్షిత్ శెట్టి, మలయాళ టీజర్‌ను దుల్కర్ సల్మాన్ రిలీజ్ చేశారు.
ఇప్పటికే చిత్రీకరణను పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలను పూర్తి చేసుకునే పనిలో ఉంది. దీపావళికి సినిమాను ప్రపంచ వ్యాప్తంగా రిలీజ్ చేయటానికి ఎంటైర్ టీమ్ అహర్నిశలు కష్టపడుతోంది.
డైరెక్టర్ కార్తీక్ సుబ్బరాజ్ మాట్లాడుతూ ‘‘డిఫరెంట్ కాన్సెప్ట్‌తో ‘జిగర్ తండా డబుల్ ఎక్స్’ను తెరకెక్కించాం. ఆడియెన్స్‌కి ఓ అమేజింగ్ ఎక్స్‌పీరియెన్స్ దొరుకుతుంది. ఈ సినిమాకు వర్క్ చేసిన నటీనటులు, సాంకేతిక నిపుణుల సహకారంతో అనుకున్న సమయంలో పూర్తి చేశాం. సపోర్ట్ చేసిన అందరికీ ధన్యవాదాలు’’ అన్నారు.
2014 బ్లాక్ బస్టర్ అయిన జిగర్ తండా సినిమాకు ఇది ప్రీక్వెల్. అనౌన్స్‌మెంట్ రోజు నుంచి సినిమాపై భారీ అంచనాలు క్రియేట్ అయ్యాయి. నాటి జిగర్ తండా స్టైల్లోనే దీన్ని యాక్షన్ గ్యాంగ్ స్టర్ జోనర్‌లోనే కార్తీక్ సుబ్బరాజ్ తెరకెక్కిస్తున్నారు. తిరు ఈ చిత్రానికి సినిమాటోగ్రఫీని అందిస్తున్నారు. మెర్క్యురీ, రజినీకాంత్ పేట్ట చిత్రాల తర్వాత కార్తీక్ సుబ్బరాజ్, తిరు కాంబోలో వస్తోన్న సినిమా ఇది. జిగర్ తండా సినిమాకు సంగీతాన్ని అందించిన సంతోష్ నారాయణన్ ఇప్పుడు ‘జిగర్ తండా డబుల్ ఎక్స్’కు సంగీత సారథ్యం వహిస్తున్నారు. షఫిక్ మొహమద్ అలీ ఎడిటింగ్ బాధ్యతలను నిర్వహిస్తున్నారు. సినిమా ప్రపంచ వ్యాప్తంగా దీపావళికి భారీ ఎత్తున విడుదలవుతుంది.
