Changes: యంగ్ టైగ‌ర్ ఎన్టీఆర్ తదుపరి చిత్రాన్ని బ్లాక్ బ‌స్ట‌ర్ డైరెక్ట‌ర్ కొరటాల శివ‌తో చేయ‌నున్న విష‌యం తెలిసిందే. ఈ భారీ చిత్రం జూన్ లో మొదలు కానుంది. ఈ విషయాన్ని ఇటీవ‌ల దర్శకుడు కొరటాల శివ ఓ ఇంట‌ర్ వ్యూలో చెప్ప‌డం జ‌రిగింది. అయితే.. జూన్ లో స్టార్ట్ కానుంద‌ని ప్ర‌క‌టించిన‌ప్ప‌టికీ.. రెగ్యులర్ షూటింగ్ మొదలయ్యేసరికి టైమ్ ప‌డుతుంద‌ని.. జులై లేదా ఆగస్టు అవుతుందని టాక్ వినిపిస్తోంది.
ఇక అస‌లు విష‌యానికి వ‌స్తే.. ఈ సినిమా విషయంలో ముందు అనుకున్న ప్లాన్ వేరు. ఇప్పుడు అనుకుంటున్న ప్లాన్ వేరు. చాలా మార్పులు జరుగుతున్నాయి. ఇంకా చెప్పాలంటే… భారీ మార్పులు జ‌రుగుతున్నాయ‌ని తెలిసింది. కార‌ణం ఏంటంటే.. ఆర్ఆర్ఆర్, కేజీఎఫ్ విడుదల తర్వాత ఇండియన్ బాక్సాఫీస్ వద్ద జరిగిన పరిణామాలు దృష్టిలో పెట్టుకొని కొరటాల శివ భారీ మార్పులు చేయబోతున్నారట. ఆచార్య సినిమా విడుదల అయిన వారం రోజుల తర్వాత ఆ సినిమాని మర్చిపోయి పూర్తిగా ఎన్టీఆర్ తో చేయ‌నున్న సినిమా పైనే కొరటాల ఫోకస్ పెడుతారట. మ‌రి.. కొరటాల చేసే భారీ మార్పులు ఏంటో క్లారిటీ రావాలంటే కొన్ని రోజులు ఆగాల్సిందే.
Also Read : ఎన్టీఆర్, బుచ్చిబాబు మూవీ గురించి మ‌రో ఇంట్ర‌స్టింగ్ న్యూస్.
