అక్కినేని నాగ‌చైత‌న్య న‌టించిన బాలీవుడ్ మూవీ లాల్ సింగ్ చద్దా. ఇందులో అమీర్ ఖాన్, క‌రీనా కపూర్ జంట‌గా న‌టించారు. ఇది నాగ‌చైత‌న్య ఫ‌స్ట్ బాలీవుడ్ మూవీ కావ‌డం విశేషం. దీంతో నాగ‌చైత‌న్య‌కు అక్క‌డ ఎలాంటి ఆద‌ర‌ణ ల‌భిస్తుంది? ఈ మూవీలో అత‌ని పాత్ర ఎంత వ‌ర‌కు ఉంటుంది? అనేది ఆస‌క్తిగా మారింది. అమీర్ ఖాన్ ఎంతో ప్రేమించి చేసిన సినిమా ఇది. చాలా గ్యాప్ త‌ర్వాత అమీర్ ఖాన్ నుంచి వ‌స్తున్న మూవీ కావ‌డంతో భారీ అంచ‌నాలు ఉన్నాయి.
ఇక అస‌లు విష‌యానికి వ‌స్తే.. ఈ మూవీని ఇటీవ‌ల అమీర్ ఖాన్.. మెగాస్టార్ చిరంజీవి, కింగ్ నాగార్జున, ద‌ర్శ‌క‌ధీరుడు రాజ‌మౌళి, క్రియేటీవ్ డైరెక్ట‌ర్ సుకుమార్ ల‌కు ప్ర‌త్యేకంగా చూపించారు. ఈ సినిమా అద్భుతంగా ఉంది అంటూ అమీర్ ఖాన్ ని అభినందించారు. ఈ మూవీ బాగా న‌చ్చ‌డంతో చిరంజీవి లాల్ సింగ్ చద్దాకు స‌మ‌ర్ప‌కుడుగా వ్య‌వ‌హ‌రిస్తున్నారు. ఈ విష‌యాన్ని చిరంజీవి స్వ‌యంగా తెలియ‌చేశారు.
ఇక రీసెంట్ గా లాల్ సింగ్ చద్దా మూవీలోని క‌థానాయిక క‌రీనా కపూర్ పాత్ర‌ను ప‌రిచ‌యం చేశారు. లాల్ సింగ్ చద్దా ప్రేయ‌సి రూపని మీకు ప‌రిచ‌యం చేస్తున్నాను. వీళ్లిద్ద‌రి బంధం గురించి ఒక్క మాట‌లో చెప్పాలంటే… ముద్దుప‌ప్పు ఆవ‌కాయ అంటూ ఆయ‌న పేర్కొన్నారు. ఈ బాలీవుడ్ మూవీని ఆగ‌ష్టు 11న రిలీజ్ చేస్తున్నారు. మ‌రి.. మెగాస్టార్ ప్ర‌చారం ఎంత వ‌ర‌కు క‌లిసొస్తుందో.. ఎంత వ‌ర‌కు ఆక‌ట్టుకుంటుందో చూడాలి.
