హన్మకొండ జిల్లా పరకాల నియోజకవర్గం మలక్ పేట, భూపాలపల్లి నియోజకవర్గం చెన్నాపూర్ లలో అకాల వర్షాలకు దెబ్బతిన్న పంట పొలాలను మంత్రులు పరిశీలించారు. నష్టపోయిన రైతులను పరామర్శింఛి ధైర్యం చెప్పారు. రాష్ట్ర వ్యవసాయ శాఖా మంత్రి సింగిరెడ్డి నిరంజన్ రెడ్డి, పంచాయతీరాజ్- గ్రామీణాభివృద్ధి శాఖ మంత్రి ఎర్రబెల్లి దయాకర్ రావు, ఎంపీలు పసునూరి దయాకర్, కవిత; ఎమ్మెల్యేలు చల్లా ధర్మారెడ్డి, గండ్ర వెంకట రమణారెడ్డి, ఎమ్మెల్సీ పల్లా రాజేశ్వర్ రెడ్డి, వ్యవసాయ కార్యదర్శి రఘునందన్ రావు తదితరులు ఈ పర్యటనలో పాల్గొన్నారు.
వాస్తవానికి ముఖ్యమంత్రి కెసియార్ ఉమ్మడి వరంగల్ జిల్లాలో పర్యటించాలని నిన్న జరిగిన కేబినెట్ సమావేశంలో నిర్ణయించారు. అయితే రాత్రి పొద్దుపోయిన తరువాత సిఎం పర్యటన ఆకస్మికంగా రద్దయింది. దీనితో మంత్రులు పర్యటనకు వెళ్ళారు.
