నాగ శౌర్య, పవన్ బాసంశెట్టి దర్శకత్వంలో పూర్తి ఎంటర్‌టైనర్ ‘రంగబలి తో వస్తున్నారు. ఎస్. ఎల్.వి సినిమాస్‌పై సుధాకర్ చెరుకూరి నిర్మిస్తున్న ఈ చిత్రంలో యుక్తి తరేజ కథానాయికగా నటిస్తోంది. ఈ సినిమా ఈనెల 7న విడుదల కానున్న నేపథ్యంలో చిత్ర యూనిట్ గ్రాండ్‌గా ప్రీ రిలీజ్ ఈవెంట్ నిర్వహించింది.
ఈ ఈవెంట్‌లో హీరో నాగశౌర్య మాట్లాడుతూ… దర్శకుడు పవన్ చెప్పిన కథ నచ్చింది. చేస్తే ఇలాంటి కథ చేయాలనిపించింది.ఈ సినిమాతో ఖచ్చితంగా బ్లాక్ బస్టర్ హిట్ కొడుతున్నాము అని అన్నారు. పవన్ బాసంశెట్టి మాట్లాడుతూ… ఈ సినిమాలో నాగశౌర్య హీరోయిజం, ఎమోషన్ కొత్తగా చూస్తారు. ఈ సినిమాని పవన్ కళ్యాణ్ ఫ్యాన్స్ బాగా ఎంజాయ్ చేస్తారు. ఈ కార్యక్రమంలో శ్రీకాంత్ ఓదెల, కిషోర్ తిరుమల, యుక్తి తరేజ, సుమ తదితరులు పాల్గొన్నారు.
