ఎన్టీఆర్ ప్రస్తుతం కొరటాల శివతో భారీ పాన్ ఇండియా మూవీ చేస్తున్నాడు. ఇటీవల సెట్స్ పైకి వచ్చిన ఈ చిత్రం చాలా ఫాస్ట్ గా షూటింగ్ జరుపుకుంటోంది. వచ్చే ఏడాది ఏప్రిల్ 5న ఈ చిత్రాన్ని విడుదల చేయనున్నట్టుగా ముందే ప్రకటించారు. ఎన్టీఆర్ కు జంటగా బాలీవుడ్ బ్యూటీ జాన్వీ కపూర్…. విలన్ గా బాలీవుడ్ సీనియర్ హీరో సైఫ్‌ ఆలీఖాన్ నటిస్తున్నారు.
ఈ సినిమాను సాధ్యమైనంత ఫాస్ట్ గా కంప్లీట్ చేయాలనుకుంటున్నారు. నవంబర్ కి దీని షూటింగ్ పూర్తి చేసి డిసెంబర్ నుంచి బ్రహ్మాస్త్ర డైరెక్టర్ అయాన్ ముఖర్జీ దర్శకత్వంలో రూపొందుతోన్న బాలీవుడ్ మూవీ వార్ 2 లో జాయిన్ కానున్నారు. ఈ సినిమాలో హృతిక్ రోషన్, ఎన్టీఆర్ కలిసి నటించనున్నారు. దీని తర్వాత ప్రశాంత్ నీల్-ఎన్టీఆర్ సినిమా మొదలు కానుంది.
అయితే.. ఈ సినిమాను వచ్చే ఏడాది ప్రారంభించాలనుకున్నా మరింత ఆలస్యం కానుందని తెలుస్తోంది. కారణం ఏంటంటే.. వార్ 2 సినిమా కోసం ఎన్టీఆర్ ఎక్కువ డేట్స్ ఇవ్వాల్సివుంది. అందుచేతనే ప్రశాంత్ నీల్ ఈ గ్యాప్ లో సలార్ 2 షూటింగ్ చేసేలా ప్లాన్ చేశారని టాక్ వినిపిస్తోంది. మొత్తానికి వార్ 2, సలార్ 2 పూర్తైన తర్వాత ఎన్టీఆర్, ప్రశాంత్ నీల్ సినిమా సెట్స్ పైకి వస్తుందని తెలిసింది. ఈపాక్ బోర్డర్ నేపధ్యంలో సాగే అడ్వెంచర్ యాక్షన్ డ్రామాగా ఈ సినిమా ఉండబోతుందని టాక్. మరింత క్లారిటీ రావాలంటే కొన్ని రోజులు ఆగాల్సిందే.
