Share to Facebook Share to Twitter share to whatapp share to telegram

పాకిస్తాన్ టి 20 వరల్డ్ కప్ సెమీ ఫైనల్ రేసులో నిలిచింది. నేడు జరిగిన మ్యాచ్ లో సౌతాఫ్రికాపై 33 పరుగుల తేడాతో విజయం సాధించింది. ఈ మ్యాచ్ కు కూడా వర్షం ఆటకం కలిగించింది. డక్ వర్త్ లూయూస్ (డిఎల్ఎస్) పధ్ధతి ప్రకారం సౌతాఫ్రికా లక్ష్యాన్ని 14 ఓవర్లకు 142గా నిర్ణయించారు. ఈ లక్ష్య ఛేదనలో ప్రోటీస్ జట్టు విఫలమైంది.

సిడ్నీ క్రికెట్ గ్రౌండ్ లో జరిగిన ఈ మ్యాచ్ లో పాకిస్తాన్ టాస్ గెలిచి బ్యాటింగ్ ఎంచుకుంది. పాకిస్తాన్ 43 పరుగులకే నాలుగు వికెట్లు కోల్పోయింది. రిజ్వాన్-4; బాబర్ అజామ్-6; మసూద్-2; మొహమ్మద్ హారిస్-28 స్కోరు చేసి ఔటయ్యారు. షాదాబ్ ఖాన్ మెరుపు ఇన్నింగ్స్ ఆడి 22 బంతుల్లో 3 ఫోర్లు, 4 సిక్సర్లతో 52; ఇఫ్తికార్ అహ్మద్ 35 బంతుల్లో 3 ఫోర్లు, 2 సిక్సర్లతో 51 పరుగులు చేశారు. నిర్ణీత 20 ఓవర్లలో 9 వికెట్లకు 185 పరుగులు చేసింది.

సౌతాఫ్రికా బౌలర్లలో నార్త్జ్ నాలుగు; పార్నెల్, రబడ, నిగిడి, శంషి తలా ఒక వికెట్ పడగొట్టారు. ఫీల్డర్లు పలు క్యాచ్ లు వదిలేశారు, ఫీల్డింగ్ లో కూడా చాలా తప్పిదాలు చేశారు.

ఆ తర్వాత బ్యాటింగ్ మొదలు పెట్టిన సౌతాఫ్రికా వర్షంతో మ్యాచ్ ఆగిపోయే సమయానికి 4 వికెట్లకు (డికాక్ డకౌట్; రిలీ రోస్సో-7; కెప్టెన్ బావుమా-36; ఏడెన్ మార్ క్రమ్-20) 69 పరుగులు చేసింది. వర్షం తెరిపివ్వడంతో డిఎల్ఎస్  ప్రకారం 5 ఓవర్లలో 73 పరుగులు చేయాల్సి వచ్చింది. దీనితో ఓటమి తప్పలేదు 14  ఓవర్లలో 9 వికెట్లకు 108 పరుగులు చేసింది.

పాకిస్తాన్ బౌలర్లలో షాహీన్ ఆఫ్రిది మూడు; షాదాబ్ ఖాన్ రెండు; నషీమ్ షా, హారిస్ రాఫ్, మొహమ్మద్ వసీం జూనియర్ తలా ఒక వికెట్ పడగొట్టారు.

ఆల్ రౌండ్ ప్రతిభ చూపిన షాదాబ్ ఖాన్ కు ‘ప్లేయర్ అఫ్ ద మ్యాచ్ దక్కింది.

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com