పవన్ కల్యాణ్ అభిమానులంతా చాలా కాలంగా ‘హరిహర వీరమల్లు’ కోసం ఎదురుచూస్తున్నారు. సూర్య మూవీస్ బ్యానర్ పై క్రిష్ దర్శకత్వంలో ఈ సినిమా రూపొందుతోంది. చాలావరకూ ఈ సినిమా చిత్రీకరణను జరుపుకుంది. ఆ మధ్య కరోనా సమయంలో ఆగిపోయిన షూటింగు, ఆ తరువాత అడపా దడపా మాత్రమే జరుగుతూ వచ్చింది. అవి కూడా చాలా తక్కువ రోజులు ప్లాన్ చేసిన షెడ్యూల్స్. అప్పటి నుంచి పవన్ రాజకీయాలలో బిజీగా ఉండటం వలన, కొంత కాలంగా షూటింగు ముందుకు వెళ్లలేదు.
అయితే ఈ సినిమా సెట్స్ పై ఉండగానే, పవన్ ‘OG’, ‘ఉస్తాద్ భగత్ సింగ్’ ప్రాజెక్టులను పట్టాలెక్కించాడు. అప్పటి నుంచి కూడా ‘హరిహర వీరమల్లు’ ప్రాజెక్టుపైకి పవన్ ఎప్పుడు వస్తాడా అని అభిమానులంతా వెయిట్ చేస్తున్నారు. ఎందుకంటే ఈ కథ మొగల్ చక్రవర్తుల కాలంలో నడుస్తుంది. బందిపోటు పాత్రలో పవన్ కనిపించనున్నాడు. మొదటిసారిగా ఆయన చేస్తున్న చారిత్రక చిత్రం కావడంతో, ఈ సినిమాపై అంచనాలు ఒక రేంజ్ లో ఉన్నాయి.
అలాంటి ఈ సినిమా సెట్స్ పైకి పవన్ త్వరలో అడుగుపెట్టనున్నాడని అంటున్నారు. జూన్ చివరి వారం నుంచి గానీ, జూలై నుంచి గాని ఈ సినిమా షూటింగులో పవన్ పాల్గొననున్నాడని చెబుతున్నారు. అప్పటి నుంచి ఆయన డేట్స్ ఇచ్చినట్టుగా తెలుస్తోంది. ఇక ఈ షెడ్యూల్ నుంచి చకచకా షూటింగును పూర్తిచేయాలనే ఆలోచనలో ఉన్నట్టుగా సమాచారం. దేవిశ్రీ ప్రసాద్ సంగీతాన్ని అందిస్తున్న ఈ సినిమాలో, కథానాయికగా నిధి అగర్వాల్ కనిపించనుండగా, ప్రత్యేకమైన పాత్రలో జాక్వెలిన్ మెరవనుంది.
