దేశంలో క్షయ నివారణ (టీబీ) శాశ్వత నివారణా చర్యలకు ప్రభుత్వం ఎటువంటి చర్యలు తీసుకుంటోందని వైసీపీ పార్లమెంటరీ చీఫ్ విప్, రాజమండ్రి ఎంపీ మార్గాని భరత్ రామ్ లోక్‌సభలో ప్రశ్నించారు. నలభై ఏళ్ళు దాటిన తరువాత బీసీజీ టీకా వేసిన తరువాత కూడా టీబీ మళ్ళీ పునరావృతం అయ్యే ప్రమాదం ఉంది కదా, దాని నివారణకు, వైద్య పరీక్షలకు ఎటువంటి చర్యలు తీసుకుంటున్నారని కేంద్ర ప్రభుత్వాన్ని ప్రశ్నించారు.
దీనిపై కేంద్ర ఆరోగ్య, కుటుంబ సంక్షేమ శాఖ మంత్రి డాక్టర్ భారతి ప్రవీణ్ పవార్ ఎంపీ భరత్ కు లిఖితపూర్వకంగా సోమవారం సమాధానం ఇచ్చారు. బీసీజీ టీకా పిల్లలకు టీబీ యొక్క తీవ్రమైన రూపాలను, రక్షిత సామర్థ్యాన్ని నిరోధించవచ్చునని, కాలక్రమేణా వాక్సిన్ క్షీణిస్తుందన్నారు. టీకాలు వేసిన తరువాత కూడా క్షయవ్యాధి వచ్చే ప్రమాదం ఉందని మంత్రి అంగీకరించారు. అన్ని వయసులకు బ్యాక్టీరియా గురైనట్లే టీబీ ఇన్ఫెక్షన్ కు టీబీకి విచ్ఛిన్నం అవుతుందన్నారు. అయితే టీబీ సంక్రమణలను గుర్తించేందుకు ఒక కొత్త చర్య పరీక్షను ఒక ప్రైవేటు సంస్థ అభివృద్ధి చేసిందని వెల్లడించారు. ఐసీఎంఆర్ ద్వారా ధృవీకరించబడిన ఏజెన్సీ, మార్కెట్ అధికార ఆమోదం ద్వారా అందించబడిందని డ్రగ్ కంట్రోలర్ జనరల్ ఆఫ్ ఇండియా (డీజీసీఐ) తెలియజేసిన విషయాన్ని మంత్రి ఈ సందర్భంగా ఎంపీకి తెలిపారు. మొత్తంపై రానున్న మూడేళ్ళలో అంటే 2025 నాటికి టీబీకి సంబంధించిన సవాళ్ళను పరిష్కరించడానికి, ఎస్డీజీలను సాధించడానికి నేషనల్ టీబీ నిర్మూలనా కార్యక్రమం కింద పలు కీలక కార్యక్రమాలను ప్రభుత్వం అమలు చేస్తోందని తెలిపారు. ఎక్కువ టీబీ కేసులు ఉన్న ప్రాంతాలలో ఆయా రాష్ట్రాలు, జిల్లాలలో నిర్దిష్ట వ్యూహాత్మక ప్రణాళిక చేపడుతున్నట్టు తెలిపారు. అలాగే డ్రగ్ రెసిస్టెంట్ టీబీ తో సహా టీబీ రోగులకు ఉచిత మందులు, డయాగ్నస్టిక్ అందించనున్నట్టు చెప్పారు. అలాగే విస్తృత అవగాహనా కార్యక్రమాలతో పాటు స్క్రీనింగ్ ను వికేంద్రీకరించడానికి ఆయుష్మాన్ భారత్-హెల్త్ అండ్ ఎవేర్నెస్ సెంటర్లలో ఏకీకరణ, ఆయా ప్రాంతాలకు సమీపంలో చికిత్సా సేవలు, మాలిక్యులర్ డయాగ్నస్టిక్ లాబరేటరీలను ఉప-జిల్లా స్థాయిలను పెంచడం జరుగుతుందని చెప్పారు. అలాగే టీబీ రోగులకు పోషకాహార పంపిణీ కోసం ‘ని-క్షయ్’ పోషణ యోజన, కళంకాన్ని తగ్గించడానికి సామాజిక అవగాహన పెంచడానికి, ఆరోగ్యాన్ని మెరుగుపరచడానికి ఐఎంసీ ప్రచారాలను తీవ్రతరం చేసిన విషయాన్ని మంత్రి తెలిపారు. టీబీ రోగులకు పూర్తి పోషక, మద్దతు కోసం కేంద్ర ప్రభుత్వం 2022, సెప్టెంబరు 9న ‘ప్రధాన మంత్రి టీబీ ముక్త భారత్ అభియాన్’ (పీఎంటీబీఎంబీఏ) మంత్రిత్వ శాఖ ప్రారంభించినట్టు ఈ సందర్భంగా ఎంపీ భరత్ కు కేంద్ర మంత్రి డాక్టర్ భారతి ప్రవీణ్ పవార్ తెలిపారు. అలాగే ని-క్షయ్ మిత్రగా నమోదు చేసుకునేందుకు మార్గదర్శకాలు జారీ చేసినట్టు తెలిపారు. అలాగే పురోభివృద్ధిని పర్యవేక్షించడానికి ఎప్పటికప్పుడు సమీక్షలు చేస్తామని కేంద్ర మంత్రి డాక్టర్ భారతి ప్రవీణ్ పవార్ ఎంపీ భరత్ కు వివరించారు.
‘ఐ’ధాత్రి న్యూస్ డెస్క్ లో అనుభవజ్ఞులయిన జర్నలిస్టులు, కాపీ ఎడిటర్లు, అనువాదకులు, డిజైనర్లు, డిజిటల్ మీడియా సాంకేతిక నిపుణులు పనిచేస్తుంటారు.