Pushpa-2:: ఐకాన్ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో రూపొందిన భారీ పాన్ ఇండియా మూవీ పుష్ప. ఈ సినిమా ఎంత‌టి సెన్సేష‌న్ క్రియేట్ చేసిందో తెలిసిందే. దీంతో ఎప్పుడెప్పుడు పుష్ప 2 వ‌స్తుందా అని అభిమానులు ఆతృత‌గా ఎదురు చూస్తున్నారు. ఇదిలా ఉంటే.. పుష్ప 2 గురించి ఓ వార్త బ‌య‌ట‌కు వ‌చ్చింది. అది ఏంటంటే.. పుష్ప మొదటి పార్ట్‌లో అలరించిన శ్రీవల్లి పాత్ర సెకండ్ పార్ట్‌లో చనిపోతుందని.. శ్రీవల్లి చ‌నిపోయే సీన్ షాకింగ్ గా ఉంటుంద‌ని.
దీంతో ఈ వార్త వైర‌ల్ అయ్యింది. ఇది నిజ‌మేనా అని ఆరా తీయ‌డం స్టార్ట్ చేశారు సినీ జ‌నాలు. అయితే.. గ‌త కొద్ది రోజులుగా ప్ర‌చారంలో ఉన్న ఈ వార్తల పై నిర్మాత వై. రవి శంకర్ తాజాగా క్లారిటీ ఇచ్చారు. ఆయ‌న ఏం చెప్పారంటే.. “అదంతా చెత్త. నాన్సెన్స్‌. నిజానికి పుష్ప 2 కథేంటో మాకే సరిగ్గా తెలియదు. అవన్నీ వట్టి ఊహాగానాలు మాత్రమే. అందులో ఎలాంటి నిజం లేదు. ఒక్కో సమయంలో పలు వెబ్‌సైట్‌లు, టీవీ ఛానెల్స్‌ సినిమాల పై ఇలానే రాస్తాయి. కానీ వాటి గురించి వారికి ఏం తెలియదు. కాబట్టి దాన్ని నమ్ముతారు” అని వై రవి శంకర్ పేర్కొన్నారు.
దీంతో ప్ర‌చారంలో ఉన్న వార్త వాస్త‌వం కాదని తేలిపోయింది. ఇక పుష్ప 2 ఎప్పుడు సెట్స్ పైకి వెళుతుంది అంటే… ఆగస్టులో షూటింగ్ ప్రారంభం కానుంది. ఆలాగే 2023 డిసెంబర్‌లో విడుదల చేసేందుకు మేకర్స్ ప్లాన్ చేస్తున్నారు. మ‌రి.. పుష్ప 2 ఎలాంటి సెన్సేష‌న్ క్రియేట్ చేస్తుందో చూడాలి.
Also Read : సంక్రాంతికి పుష్ప 2 రావ‌డం సాధ్య‌మేనా..?
