Radhe Shyam Premier Show: పాన్ ఇండియా స్టార్ ప్రభాస్, క్రేజీ హీరోయిన్ పూజాహెగ్డే జంటగా న‌టించిన భారీ పీరియాడిక్ లవ్ స్టోరీ రాధేశ్యామ్. ఈ చిత్రానికి జిల్ ఫేమ్ రాధాకృష్ణ కుమార్ ద‌ర్శ‌క‌త్వం వ‌హిస్తున్నారు. ప్ర‌ముఖ నిర్మాణ సంస్థ‌లు యువీ క్రియేష‌న్స్, గోపీకృష్ణా మూవీస్ సంయుక్తంగా.. అత్యంత ప్ర‌తిష్టాత్మ‌కంగా.. ఈ చిత్రాన్ని నిర్మించాయి. ప్ర‌పంచ వ్యాప్తంగా రాధేశ్యామ్ చిత్రాన్ని ఈ నెల 11న భారీ స్థాయిలో విడుదల చేసేందుకు ఏర్పాట్లు చేశారు మేక‌ర్స్.
దీంతో ఇప్పటికే ఈ సినిమాకి రికార్డ్ స్థాయిలో ప్రీ బుకింగ్స్ నమోదయ్యాయి. ఇక ఈ సినిమా రిలీజ్‌కి కేవలం ఒక్క రోజు మాత్రమే ఉండడంతో రెట్టింపు ఉత్సాహంతో ప్రభాస్ అభిమానులు రాధేశ్యామ్ మూవీ కోసం ఆతృత‌గా ఎదురుచూస్తున్నారు. ఈ క్రమంలో హైదరాబాద్‌లో రాధేశ్యామ్ ఫ‌స్ట్ ప్రీమియ‌ర్ షో ఎక్కడో క్లారిటీ వ‌చ్చేసింది. కూక‌ట్ ప‌ల్లిలోని అర్జున్ థియేట‌ర్లో బినిఫిట్ షో ప్లాన్ చేశారు. ఇక్కడి నుంచే రాధేశ్యామ్ చిత్రాన్ని మీ ముందుకు తీసుకొస్తున్నామ‌ని శ్రేయాస్ మీడియా సంస్థ తెలియ‌చేసింది.
