రామ్ చరణ్‌, శంకర్ కాంబినేషన్లో ఓ భారీ పాన్ ఇండియా మూవీ రూపొందుతోంది. ఈ సినిమా ప్రారంభంలో చాలా ఫాస్ట్ గా షూటింగ్ జరుపుకుంది. ఆతర్వాత ‘ఇండియన్ 2’ కూడా షూటింగ్ చేయాల్సి రావడంతో కాస్త స్లో అయ్యింది. ఇటీవల వైజాగ్, హైదరాబాద్, కర్నూలులో షూటింగ్ జరుపుకుంది. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ చిత్రాన్ని నిర్మిస్తున్నారు. అయితే.. ఈ సినిమా ప్రారంభోత్సవం చాలా గ్రాండ్ గా నిర్వహించారు. ఆతర్వాత నుంచి ఎలాంటి అప్ డేట్ ఇవ్వలేదు.
చరణ్‌ పుట్టినరోజు సందర్భంగా మార్చి 27న ఈ మూవీ టైటిల్ అనౌన్స్ చేస్తారని.. ఫస్ట్ లుక్ రిలీజ్ చేస్తారని వార్తలు వస్తున్నాయి. దీంతో ఎప్పుడెప్పుడు మార్చి 27 వస్తుందా అని అభిమానులు ఆతృతగా ఎదురు చూస్తున్నారు. ఈ మూవీకి ‘సర్కారోడు’ అనే టైటిల్ పెట్టనున్నారని టాక్ బలంగా వినిపించింది. ఇది పాలిటికల్ థ్రిల్లర్ కాబట్టి ఈ టైటిలే ఫిక్స్ చేస్తారని అనుకుంటున్నారు సినీజనాలు. అయితే.. తాజాగా మరో టైటిల్ ప్రచారంలోకి వచ్చింది. అదే…’’..సి..ఇ..ఓ..’’ పాన్ ఇండియా సినిమా కనుక సిఇఓ అంటే అన్ని భాషల జనాలకు ఇట్టే కనెక్ట్ అయిపోతుందని భావిస్తున్నారని తెలుస్తోంది.
ప్రస్తుతం పరిశీలనలో వున్న సర్కారోడు, సి.ఇ.ఓ.. ఈ రెండు టైటిళ్లలో సి.ఇ.ఓ టైటిల్ పెట్టడానికే ఎక్కువ ఆసక్తి చూపిస్తున్నారట. ఈ సినిమా ప్రభుత్వం.. పాలన.. ప్రజలు.. హక్కులు ఇలాంటి వాటన్నింటి చుట్టూ తిరిగే కథతో నడుస్తోంది. శ్రీకాంత్, సునీల్, అంజలి కీలక పాత్రలు పోషిస్తుంటే.. ఎస్ జె సూర్య విలన్ గా నటిస్తున్నారు. సెన్సేషనల్ మ్యూజిక్ డైరెక్టర్ ఎస్ఎస్ థమన్ సంగీతం అందిస్తున్నారు. ఇప్పటి వరకు దిల్ రాజు నిర్మించిన సినిమాల్లో అత్యంత హై బడ్జెట్ సినిమా ఇది. మరి.. ప్రచారంలో ఉన్న సర్కారోడు, సి.ఇ.ఓ టైటిల్స్ లో ఏదొఒక టైటిల్ ఫిక్స్ చేస్తారో..? లేక కొత్త టైటిల్ పెడతారో చూడాలి.
