ఇంద్రసేన, సంతోష్ రాజ్, మెరిన్ ఫిలిప్, ప్రగ్యా నయన్ హీరో హీరోయిన్లుగా నటిస్తున్న సినిమా ‘బద్మాష్ గాళ్లకు బంపర్ ఆఫర్’. యాక్షన్ థ్రిల్లర్ కథతో దర్శకుడు రవి చావలి తెరకెక్కిస్తున్నారు. ఫ్రెండ్స్ ఫిల్మ్ అకాడెమీ పతాకంపై అతీంద్ర అవినాష్ నిర్మిస్తున్నారు. రాఘవేంద్ర రెడ్డి సమర్పకులుగా వ్యవహరిస్తున్నారు. హీరో ఇంద్రసేన పుట్టిన రోజు సందర్భంగా ఈ సినిమా ఫస్ట్ లుక్ టైటిల్ లోగో ను దర్శకుడు సురేందర్ రెడ్డి లాంఛ్ చేశారు. మూవీ యూనిట్ కు బెస్ట్ విషెస్ తెలిపారు.
హీరో సంతోష్ రాజ్ మాట్లాడుతూ “మా ‘బద్మాష్ గాళ్లకు బంపర్ ఆఫర్’ సినిమా పాండమిక్ లో మీకు మంచి ఎంటర్‌టైన్‌మెంట్ ఇస్తుంది. సురేందర్ రెడ్డి గారి చేతుల మీదుగా ఫస్ట్ లుక్ టైటిల్ లోగో లాంఛ్ అవడం గుడ్ బిగినింగ్ అనుకుంటున్నాం” అన్నారు.
దర్శకుడు రవి చావలి మాట్లాడుతూ “ఇదొక యాక్షన్ థ్రిల్లర్ మూవీ. ప్రతి పది నిమిషాలకు ఒక ట్విస్ట్ ఉంటుంది. సినిమా షూటింగ్ కంప్లీట్ చేశాం. పోస్ట్ ప్రొడక్షన్‌ పనులు జరుగుతున్నాయి. యాక్షన్ తో పాటు మంచి ఎంటర్‌టైన్‌మెంట్ ఇస్తుంది” అన్నారు.
సమర్పకులు రాఘవేంద్ర రెడ్డి మాట్లాడుతూ “ఇవాళ టైటిల్ లోగోను డైరెక్టర్ సురేందర్ రెడ్డి గారు విడుదల చేయడం సంతోషంగా ఉంది. దర్శకుడు రవి చావలి గారు చాలా ఫాస్ట్ గా 30 రోజుల్లోనే ఈ మూవీని షూట్ చేశారు. ప్రస్తుతం పోస్ట్ ప్రొడక్షన్స్ వర్క్ స్టార్ట్ చేయబోతున్నాం. మంచి టెక్నికల్ టీమ్ “బద్మాష్ గాళ్లకు బంపర్ ఆఫర్’ సినిమాకు పని చేస్తున్నారు’ అన్నారు.
“రవి చావలి లాంటి గొప్ప దర్శకుడితో పనిచేసే అవకాశం రావడం అదృష్టంగా భావిస్తున్నాను. ఈ సినిమా నా కెరీర్ లో గుర్తుండిపోయే సినిమా అవుతుంది. సమర్పకులు రాఘవేంద్ర రెడ్డి గారి బ్యానర్ లో వర్క్ చేయడం సంతోషంగా ఉంది” అన్నారు హీరో ఇంద్రసేన్.
