ప్ర‌తి సినిమాకి న‌ట‌న‌లో వైవిధ్యాన్ని ప్రదర్శిస్తూ వస్తోంది రెజీనా క‌సాండ్ర. ప్ర‌స్తుతం ఆమె రాణిగా, పురావస్తు శాస్త్రవేత్తగా ద్విపాత్రాభినయం చేస్తోన్న చిత్రం `నేనే నా..?. ఈ మూవీ ఫ‌స్ట్‌ లుక్‌ తోనే ప్రేక్షకుల్లో ఇంట్రెస్ట్ క్రియేట్ చేసింది. రెజీనా కసాండ్రా పాన్-ఇండియన్ డొమైన్ అంతటా పాపులర్ అయినందున ఈ ప్రాజెక్ట్ మీద అంచనాలు చాలా ఎక్కువగా ఉన్నాయి. అలాగే ‘నిను వీడ‌ని నీడ‌ను నేనే’ వంటి హిట్ త‌ర్వాత కార్తీక్ రాజు ద‌ర్శ‌క‌త్వంలో ఈ సినిమా వస్తోంది.
మొద‌టి సినిమా `జాంబీరెడ్డి`తో సూపర్ హిట్ సాధించిన రాజ్ శేఖర్ వర్మ త‌న ఆపిల్ ట్రీ స్టూడియోస్ ప‌తాకం పై ప్రొడ‌క్ష‌న్ నెం.2గా రూపొందిస్తున్నారు. ఈ మూవీ ట్రైల‌ర్‌ను నిధి అగర్వాల్, మక్కల్ సెల్వన్ విజయ్ సేతుపతి మరియు స్టార్ డైరెక్టర్ లింగుసామి ఆవిష్కరించారు. ట్రైలర్ చూస్తుంటే 100 సంవత్సరాల క్రితం జరిగిన ఒక భయంకరమైన సంఘటన ఇప్పుడు పునరావృతమవుతోంది అని తెలుస్తోంది. రెజీనా 100 సంవత్సరాల క్రితం మహా రాణి కాగా, ప్ర‌స్తుతం పురావస్తు శాస్త్రవేత్తగా ఒక రహస్యమైన కేసును పరిష్కరించడానికి వచ్చిన‌ట్టు తెలుస్తోంది. అరుంధతి, భాగమతి చిత్రాల్లో అనుష్క పోషించిన పాత్రల తరహాలోనే ఈ సినిమాలో రెజినా పాత్ర ఉన్నట్లు కనబడుతోంది. మరి అనుష్క తరహా అభినయాన్ని రెజినా ప్రదర్శిస్తుందా లేదా అనేది చూడాలి.
అలాగే ఈ ట్రైల‌ర్లో అడవిలో ఏకాంత ప్రదేశంలోకి ప్రవేశించే వ్యక్తులతో పాటు, రహస్యమైన కేసును పరిష్కరించడానికి వస్తున్నవారు కూడా చంపబడుతున్నారు. రెండు కాలాల మధ్య ఉన్న సంబంధమే సినిమాకు కీలకం కానుంది. హర్రర్ ఎలిమెంట్స్ మరియు కామెడీతో కూడిన మిస్టరీ స‌బ్జెక్ట్ మూవీ ప్రేక్షకులకు త‌ప్ప‌కుండా సరికొత్త అనుభూతిని అందించ‌నుంది. కార్తీక్ రాజు మరో ఆసక్తికరమైన ప్రాజెక్ట్ తో ముందుకు వచ్చారు. కాస్టింగ్, సాంకేతిక ప్రమాణాల పరంగా ఇది భారీ ప్రాజెక్ట్. తెలుగు, తమిళంలో ఏక కాలంలో రూపొందించ‌బ‌డిన ఈ బైలింగ్వ‌ల్ మూవీలోని కీల‌క స‌న్నివేశాల‌ను కుర్తాళం పరిసర ప్రాంతాల్లో చిత్రీకరించారు.
వెన్నెల కిషోర్, అక్షరగౌడ, తాగుబోతు రమేష్, జయ ప్రకాష్ ముఖ్యపాత్రలు పోషిస్తున్నారు. సామ్ సిఎస్ సంగీతం సమకూరుస్తుండగా, గోకుల్ బెనాయ్ సినిమాటోగ్రఫీ అందిస్తున్నారు. సాబు ఎడిటర్; సూపర్ సుబ్బరాయన్-స్టంట్ మాస్టర్. షూటింగ్ పూర్తి చేసుకుని పోస్ట్ ప్రొడ‌క్ష‌న్ జ‌రుపుకుంటోంది. త్వరలో ఈ చిత్రాన్ని విడుదల చేయడానికి ప్లాన్ చేస్తున్నారు.
