రోజులు గడిచే కొద్దీ ఉక్రెయిన్, రష్యాల మధ్య యుద్ధం తీవ్రమవుతోంది. రష్యా క్షిపణులతో దాడులు మొదలు పెట్టింది. దీనికనుగుణంగా ఉక్రెయిన్‌కు కూడా అమెరికా ఆయుధాలు అందిస్తోంది. ఈ వార్‌లో ఉక్రెయిన్‌కు చెందిన పౌరులు చనిపోతున్నారు. అయినా సరే ఉక్రెయిన్ తలవంచకుండా పోరాడుతూనే ఉంది. దీంతో ఈ యుద్ధం ఇప్పట్లో ఆగే దాఖలాలు కనిపించడం లేదు. రష్యా చేస్తున్న దాడులతో ఉక్రెయిన్​కు తీవ్ర నష్టం వాటిళ్లుతోంది. రష్యా ప్రయోగిస్తున్న మిస్సైల్ దాడుల్లో అనేక మంది ప్రాణాలు కోల్పోతున్నారు. ఇందులో చాలా మంది సామాన్యులు, అన్యం, పుణ్యం ఎరుగని చిన్నారుల సంఖ్య అధికంగా ఉండటం ఆందోళనకరం.

ఇదే విషయంపై ఉక్రెయిన్ పార్లమెంట్​ ఆదివారం స్పందించింది. ఉక్రెయిన్​పై రష్యా దాడుల్లో ఇప్పటి వరకు 115 మంది చిన్నారులు ప్రాణాలు విడిచారని తెలిపింది. 140 మందికిపైగా ఉక్రెయిన్ యువకులు గాయాలపాలయ్యారని వివరించింది. ఇవి గణాంకాలు కావని..  వందలాది ఉక్రెయిన్​ కుటుంబాల బాధలని పార్లమెంటు అభివర్ణించింది. ఇదిలా ఉండగా.. ఆదివారం రాత్రి ఖార్కీవ్ నగరంపై రష్యా చేసిన ఎయిర్​ స్ట్రైక్​లో ఐదు మంది చిన్నారులు ప్రాణాలు కోల్పోయారని కీవ్​ ఇండిపెండెంట్​ తెలిపింది. రష్యా ఉక్రెయిన్ యుద్ధం ప్రభావం ప్రపంచ దేశాలపై పడుతోంది. దిగుమతులపై ఆధారపడిన దేశాలు తీవ్ర ఇబ్బందులు ఎదుర్కొంటున్నాయి.

రష్యా బాంబు దాడిలో ఉక్రెయిన్​లో చనిపోయిన నవీన్ శేఖరప్ప(21) డెడ్​బాడీ ఖార్కివ్​లోని మార్చురీలో ఉందని కర్నాటక సీఎం బసవరాజ్ బొమ్మై తెలిపారు. షెల్లింగ్ ఆగిన తర్వాత అతని మృతదేహాన్ని మన దేశానికి తీసుకురానున్నట్లు విదేశాంగ మంత్రి జై శంకర్ తెలియజేశారని చెప్పారు. పోయినవారంలో ఖార్కివ్​లోని ప్రభుత్వ బిల్డింగ్​పై రష్యా జరిపిన దాడిలో కర్నాటకకు చెందిన నవీన్ శేఖరప్ప చనిపోయాడు.

Also Read : ఉక్రెయిన్ సెక్యూరిటీ గార్డ్ కు రామ్ చరణ్ సాయం

Leave a Reply

Your email address will not be published. Required fields are marked *