Sampath: నంద‌మూరి బాల‌కృష్ణ ‘అఖండ’ త‌ర్వాత వ‌రుస‌గా సినిమాలు చేస్తూ దూసుకెళుతున్నారు. బాల‌య్య‌తో సినిమా చేసేందుకు స్టార్ డైరెక్ట‌ర్స్ చాలా మంది వెయిటింగ్ లో ఉన్నారు. సంపత్ నంది కూడా బాల‌య్య‌తో సినిమా చేయ‌నున్నాడ‌ని.. కథ బాల‌య్య‌కు నచ్చడంతో దాదాపుగా క‌న్ ఫ‌ర్మ్ అయ్యిందని వార్తలు వ‌చ్చాయి. త్వ‌ర‌లోనే బాల‌య్య, సంపత్ నంది కాంబినేష‌న్ గురించి అనౌన్స్ మెంట్ ఉంటుంద‌ని టాక్ బ‌లంగా వినిపించింది.
ఆ త‌ర్వాత ఏమైందో ఏమో కానీ.. ఈ ప్రాజెక్ట్ గురించి ఎలాంటి అప్ డేట్ బ‌య‌ట‌కు రాలేదు. తాజాగా సాయి ధరమ్ తేజ్ కి, సంపత్ నంది ఓ కథ చెప్పాడని, సాయి ధరమ్ తేజ్ కి కూడా కథ బాగా నచ్చి సినిమాకు గ్రీన్ సిగ్నల్ ఇచ్చాడని వార్తలు వినిపిస్తు న్నాయి కానీ.. ఈ సినిమాకి సంబంధించి కూడా అఫిషియ‌ల్ గా ఎలాంటి అనౌన్స్ మెంట్ రాలేదు. కాకపోతే నిర్మాత సి.కళ్యాణ్, సాయి ధరమ్ తేజ్ హీరోగా ఒక సినిమా చేయడానికి ప్రస్తుతం ప్ర‌య‌త్నాలు చేస్తున్నాడు.
డైరెక్టర్ సంపత్ నందిని సాయి ధరమ్ తేజ్ దగ్గరకు పంపింది సి.కళ్యాణే అని.. సాయిధరమ్ తేజ్, సంపత్ నంది ప్రాజెక్ట్ క‌న్ ఫ‌ర్మ్ అని టాలీవుడ్ లో టాక్ వినిపిస్తోంది. దీనిపై క్లారిటీ ఇస్తారేమో చూడాలి.
Also Read : మ‌రో ఐదు క‌థ‌ల‌కు చిరు గ్రీన్ సిగ్నల్ ఇచ్చారా?
