వింబుల్డన్ లో మిక్స్డ్ డబుల్స్ విభాగం తొలి రౌండ్లో ఇండియాకు చెందిన సానియా మీర్జా- ఆర్. బోపన్న జోడీ విజయం సాధించింది. ఈ జోడీ మన దేశానికే చెందిన రామనాథన్- అంకిత రైనా జోడీపై 6-2, 7-6 తేడాతో విజయం సాధించారు.
సానియా-బోపన్న జోడీ మొదటి సెట్ సునాయాసంగా గెల్చుకున్నప్పటికీ, రెండో సెట్లో రైనా-రామనాథన్ లు గట్టి పోటీ ఇచ్చారు. చివరి వరకు హోరాహోరీగా సాగిన సెట్ లో చివరకు సానియా జోడీ పైచేయి సాధించారు.
ఒకే దేశానికి చెందిన నలుగురు ఆటగాళ్ళు ఇలా మిక్స్డ్ డబుల్స్ లో తలపడడం ఓ అరుదైన విషయం. మరికాసేపట్లో జరిగే మరో మ్యాచ్ లో ఇండియాకు చెందిన శరణ్, అమెరికాకు చెందిన సామంత ముర్రేతో కలిసి మరో మిక్స్డ్ డబుల్స్ మ్యాచ్ ఆడనున్నాడు.
