కొరియా ఓపెన్ -2023 పురుషుల డబుల్స్ టైటిల్ ను భారత జోడీ సాత్విక్ సాయిరాజ్ రాంకీ రెడ్డి- చిరాగ్ శెట్టిలు గెల్చుకున్నారు. నేడు జరిగిన ఫైనల్ లో ఇండోనేషియా జంట ఫజర్ అల్ఫియన్- ముహమ్మద్ రియాన్ ద్వయం పై 17-21; 21-13; 21-14 తేడాతో విజయం సాధించి విజేతలుగా నిలిచారు. తొలి సెట్ కోల్పోయినా నిరాశ చెందకుండా ప్రత్యర్థులపై పైచేయి సాధించారు. బి. డబ్ల్యూ ఎఫ్ వరల్డ్ టూర్ టోర్నమెంట్ లో ఈ ఏడాది మూడో టైటిల్ కాగా మొత్తంగా ఏడు సార్లు ఈ జోడీ టైటిల్స్ సాధించారు.
ఈ ఏడాది మార్చిలో జరిగిన స్విస్ ఓపెన్, జూన్ మూడో వారంలో జరిగిన ఇండోనేషియా ఓపెన్ టైటిల్ ను గెల్చుకున్న ఈ జోడీ నేటి విజయంతో ఈ ఏడాది మూడో టైటిల్ సొంతం చేసుకుంది.
