Samantha Shakuntalam: స్టార్ హీరోయిన్ సమంత ప్ర‌ధాన పాత్ర‌లో విల‌క్ష‌ణ ద‌ర్శ‌కుడు గుణ శేఖర్ తెర‌కెక్కిస్తోన్న విజువ‌ల్ వండర్ ‘శాకుంతలం’. ఇటీవ‌ల ఈ సినిమా షూటింగ్ పూర్తి చేసుకుంది. ప్ర‌స్తుతం పోస్ట్ ప్రొడ‌క్ష‌న్ వ‌ర్క్ జ‌రుపుకుంటుంది. ఈ సినిమా నుంచి ఫ‌స్ట్ లుక్‌ను ఈరోజు చిత్ర యూనిట్ విడుద‌ల చేసింది. దుష్యంతుడు – శ‌కుంత‌ల మ‌ధ్య ప్రేమ క‌థను ఆధారంగా చేసుకుని గుణ‌శేఖ‌ర్ ఈ దృశ్య కావ్యాన్ని తెరకెక్కిస్తున్నారు.
ఫ‌స్ట్ లుక్‌ను గ‌మ‌నిస్తే.. ఆశ్ర‌మంలో ముని క‌న్య పాత్ర‌లో సమంత కూర్చుని ఉంది. దేని కోస‌మో ఆమె క‌ళ్లు వెతుకుతున్నాయి. ఆమె చుట్టూ నెమ‌ళ్లు, జింక‌లు, హంస‌లు ఇత‌ర వన్య ప్రాణులు నిలుచుని ఆమెను త‌దేకంగా చూస్తున్నాయి. హిట్ చిత్రాల నిర్మాత దిల్ రాజు స‌మ‌ర్ప‌ణ‌లో డిఆర్‌పి – గుణ టీమ్ వ‌ర్క్స్ ప‌తాకాల పై రూపొందుతోన్న ‘శాకుంతలం’ చిత్రానికి గుణ శేఖర్ దర్శకత్వం వహిస్తున్నారు. నీలిమా గుణ నిర్మాత. మెలోడీ బ్రహ్మ మణిశర్మ సంగీత సారథ్యం వహిస్తున్నారు. శేఖర్ వి.జోసెఫ్ సినిమాటోగ్రఫీ అందిస్తున్నారు.
