Sonal: సోనాల్ చౌహాన్.. బాల‌య్య స‌ర‌స‌న లెజెండ్ మూవీలో న‌టించింది. ఆ సినిమా సక్సెస్ సాధించిన‌ప్ప‌టికీ.. ఎందుకనో ఈ అమ్మ‌డుకు ఆశించిన స్థాయిలో అవ‌కాశాలు రాలేదు. స‌రైన సక్సెస్ కోసం ఎదురు చూస్తున్న టైమ్ లో టాలీవుడ్ కింగ్ నాగార్జున స‌ర‌స‌న న‌టించే ల‌క్కీ ఛాన్స్ ద‌క్కించుకుంది. ప్ర‌వీణ్ స‌త్తారు ద‌ర్శ‌క‌త్వంలో రూపొందుతోన్న భారీ యాక్ష‌న్ మూవీ ది ఘోస్ట్ మూవీలో నాగ్ స‌ర‌స‌న న‌టిస్తోంది. ఇటీవ‌ల దుబాయ్ లో నాగ్, సోనాల్ చౌహాన్ పై కీల‌క స‌న్నివేశాల‌ను చిత్రీక‌రించారు.
ఇప్పుడు ఈ అమ్మ‌డు ప్ర‌భాస్ మూవీలో న‌టించే మ‌రో ల‌క్కీ ఛాన్స్ ద‌క్కించుకున్న‌ద‌ని స‌మాచారం. ఇంత‌కీ ఏ మూవీలో అంటే… ప్ర‌భాస్, ఓంరౌత్ కాంబినేష‌న్లో రూపొందుతోన్న ఆదిపురుష్ మూవీలో. ఇందులో ప్ర‌భాస్ రాముడుగా న‌టిస్తుంటే.. కృతిస‌న‌న్ సీత‌గా న‌టిస్తోంది. సైఫ్ ఆలీఖాన్ రావ‌ణుడుగా న‌టిస్తున్నాడు. ఈ మూవీలో లక్ష్మణుడి భార్యగా సోనాల్ నటిస్తుందని టాక్ వినిపిస్తోంది. వ‌రుస అవ‌కాశాలు అందిపుచ్చుకుంటున్న ఈ భామ స్టార్ హీరోయిన్ అవుతుందేమో చూడాలి.
Also Read : ఆదిపురుష్ టీజ‌ర్ రిలీజ్ డేట్ ఫిక్స్
