Sarkaru-Ugadi: సూపర్ స్టార్ మహేష్ బాబు హీరోగా ప‌ర‌శురామ్ దర్శకత్వంలో రూపొందుతోన్న యాక్షన్, ఫ్యామిలీ ఎంటర్‌టైనర్ `సర్కారు వారి పాట` ఈ సంవత్సరం విడుదలవుతోన్న మోస్ట్ ఎవైటెడ్ చిత్రాలలో ఒకటి. వేసవిలో సినిమా అభిమానులకు ‘సూపర్ స్పెషల్’ ట్రీట్‌ను అందించడానికి ఈ చిత్రాన్ని మే 12న ప్రపంచ వ్యాప్తంగా గ్రాండ్‌గా థియేట్రికల్ రిలీజ్ చేయడానికి ప్లాన్ చేస్తున్నారు. ఉగాది సందర్భంగా అందరికీ శుభాకాంక్షలు తెలుపుతూ.. చిత్ర నిర్మాతలు స‌రికొత్త యాక్షన్-ప్యాక్డ్ పోస్టర్‌ను ఆవిష్కరించారు.
మహేష్ బాబు పై గూండాలు ఆయుధాలతో దాడికి సిద్ధపడుతుండ‌గా, ‘సూపర్ స్టార్’ తన బెల్ట్ తీస్తూ, వారిపై ప్రతిదాడికి సిద్ధంగా వున్నాడు. ఈ గెట‌ప్‌లో మహేష్ కూల్‌గా, మోడిష్‌గా కనిపిస్తున్నా దాడి చేయడానికి ధృడంగా వున్న‌ట్లు అత‌ని లుక్ తెలియ‌జేస్తోంది. చిత్రానికి సంబంధించిన రెండు పాట‌ల‌కు అద్భుతమైన స్పందన రావడంతో మ్యూజికల్ ప్రమోషన్లు కూడా జోరందుకున్నాయి. కళావతి మెలోడీ ప్రేమికులను ఆకర్షించగా, రెండవ ట్రాక్, మహేష్ బాబు కుమార్తె సితార ఘట్టమనేని తొలిసారిగా కనిపించిన పెన్నీకి అద్భుతమైన స్పందన వచ్చింది. సితార డ్యాన్స్‌ కు పలువురి ప్రశంశలు దక్కాయి.
ఈ చిత్రానికి సంగీతదర్శకుడు ఎస్ థమన్ బ్యాక్‌గ్రౌండ్‌ స్కోర్ ఇస్తున్నారు. మైత్రీ మూవీ మేకర్స్, GMB ఎంటర్‌టైన్‌మెంట్, 14 రీల్స్ ప్లస్ బ్యానర్‌లపై నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట సంయుక్తంగా నిర్మిస్తున్న ఈ చిత్రంలో కీర్తి సురేష్ కథానాయికగా నటిస్తోంది. ఆర్ మధి సినిమాటోగ్రఫీ, , మార్తాండ్ కె వెంకటేష్ ఎడిటర్‌, ఎఎస్ ప్రకాష్ ఆర్ట్ డైరెక్ట‌ర్‌గా వున్నారు.
Also Read : ‘సర్కారు వారి పాట’ సెకండ్ సింగిల్ పెన్నీ ప్రోమో రిలీజ్
