విష్ణు విశాల్ హీరోగా ‘ మట్టి కుస్తీ ‘ సినిమా రూపొందింది. తమిళంలో విష్ణు విశాల్ నిర్మించిన ఈ సినిమా, డిసెంబర్ 2వ తేదీన విడుదల కానుంది. అదే రోజున తెలుగులోను విడుదల చేస్తున్నారు. తెలుగులో ఈ సినిమాను రవితేజ సమర్పిస్తున్నాడు. విష్ణు విశాల్ తో ఉన్న ఫ్రెండ్షిప్ కారణంగా మొదటి నుంచి కూడా రవితేజ ఈ సినిమాను ఇక్కడ ప్రమోట్ చేస్తున్నాడు.
జస్టిన్ ప్రభాకరన్ సంగీతాన్ని సమకూర్చిన ఈ సినిమాలో కథానాయికగా ఐశ్వర్య లక్ష్మి అలరించనుంది. తెలుగు వెర్షన్ కి సంబంధించి నిన్న రాత్రి ఈ సినిమా ప్రీ రిలీజ్ ఈవెంటును నిర్వహించారు. ఈ స్టేజ్ పై రవితేజ మాట్లాడుతూ .. ” ఈ ప్రీ రిలీజ్ ఈవెంటుకి నేను ఒక హీరోగా కాదు నిర్మాతగా వచ్చాను. ఈ ఈవెంటుకు చీఫ్ గెస్టులు మీరే. హీరోగా నన్ను మీరంతా ఎంతో సపోర్ట్ చేశారు. ఇక నిర్మాతగాను సపోర్టు చేసేయండి.
ఈ సినిమాకి జస్టిన్ ప్రభాకరన్ మంచి మ్యూజిక్ ఇచ్చాడు. నా సినిమాకి కూడా తను పనిచేయాలని కోరుకుంటున్నాను. ఎందుకంటే తన మ్యూజిక్ అంటే నాకు ఇష్టం. ఈ సినిమాకి కెమెరామెన్ గా రిచర్డ్స్ పనిచేశాడు. ‘ధమాకా’ .. ‘రావణాసుర’ సినిమాలకు కొంత పోర్షన్ ను తను షూట్ చేశాడు. అద్భుతమైన విజువల్స్ ను అందించాడు.
డైరెక్టర్ చెల్లా అయ్యవు కి మంచి సెన్సాఫ్ హ్యూమర్ ఉంది. తనతో తప్పకుండా ఒక సినిమా చేయాలని అనుకుంటున్నాను. ఇక ఐశ్వర్యలక్ష్మి విషయానికి వస్తే, అందం .. టాలెంట్ కలిస్తే తను. ఆమె కేరక్టర్ చాలా ఇంట్రస్టింగ్ గా ఉంటుంది. ఇది కేవలం స్పోర్ట్స్ సినిమా మాత్రమే కాదు. ఇందులో లవ్ .. ఫ్యామిలీ ఎమోషన్స్ .. ఇలా అన్నీ ఉన్నాయి. తెలుగు .. తమిళ భాషల్లో ఈ సినిమా పెద్ద హిట్ కావాలని కోరుకుంటున్నాను” అంటూ ముగించాడు.
