TDP Satire: నిన్నటి వరకూ గౌతమ్ సావాంగ్ పై నిప్పులు చెరిగిన తెలుగుదేశం పార్టీ ఇప్పుడు ఆయనపై సానుభూతి కురిపిస్తోంది. గౌతమ్ ను బదిలీ చేసి కేవీ రాజేంద్రనాథ్ రెడ్డిని డిజిపిగా నియమించిన కొన్ని నిమిషాల్లోనే దీనిపై టిడిపి అధికారిక సామాజిక మాధ్యమాల ఖాతాల్లో ఓ ఫోటోను పెట్టింది.
రెండ్రోజుల క్రితం విశాఖ జిల్లా అనకాపల్లి సమీపంలో దాదాపు రెండు వేల కిలోల గంజాయిని రాష్ట్ర పోలీసులు తగులబెట్టిన సంగతి తెలిసిందే. డిజిపి హోదాలో గౌతమ్ సావాంగ్ ఈ కార్యక్రమంలో పాల్గొని గంజాయిని దగ్గరుండి మరీ తగులబెట్టించారు.
వైసీపీ నేతలు గంజాయి వ్యాపారం చేస్తున్నారని, వారికి చెందాల్సిన ఈ గంజాయిని తగులబెట్టినందుకే ఆయనపై ఈ రకంగా చర్యను తీసుకున్నరంటూ పోస్ట్ పెట్టింది. “అత్యంత విలువైన వైసీపీ ఆస్తి… గంజాయిని తగలేస్తే అన్న ఊరుకుంటాడా?!” అంటూ కామెంట్ కూడా జతచేసింది.
అయితే నిన్నటి వరకూ గౌతమ్ సావాంగ్ పై తీవ్రమైన విమర్శలు చేసింది, అయన వైసీపీ కార్యకర్తగా పనిచేస్తున్నారని, ఆ పార్టీ కండువా వేసుకొని పని చేయాలని పలు సందర్భాల్లో తీవ్రమైన వ్యాఖ్యలు చేసింది. బదిలీ కాగానే ఆయనపై ఈ రకంగా తమ స్పందన వ్యక్తం చేసింది.
Also Read : గౌతమ్ సావాంగ్ పై బదిలీ వేటు
