వీర‌మ‌ల్లుపై క్లారిటీ వ‌చ్చేది ఎప్పుడు?

No Clarity: ప‌వ‌ర్ స్టార్ ప‌వ‌న్ క‌ళ్యాణ్, విభిన్న క‌థా చిత్రాల ద‌ర్శ‌కుడు క్రిష్ కాంబినేష‌న్లో రూపొందుతోన్న భారీ చిత్రం హ‌రి హ‌ర వీర‌మ‌ల్లు. ఈ భారీ చిత్రాన్ని సీనియ‌ర్ ప్రొడ్యూస‌ర్ ఏఎంర‌త్నం నిర్మిస్తున్నారు.  ప‌వన్ స‌ర‌స‌న ఇస్మార్ట్ బ్యూటీ నిధి అగ‌ర్వాల్ న‌టిస్తుంది. ఇది ప‌వ‌న్ క‌ళ్యాణ్ ఫ‌స్ట్ పాన్ ఇండియా మూవీ కావ‌డంతో అభిమానులు ఎప్పుడెప్పుడు ఈ సినిమా వ‌స్తుందా అని ఆతృత‌గా ఎదురు చూస్తుంటే.. ఈ సినిమా ఆల‌స్యం అవుతూనే ఉంది.

అయితే…ఈ భారీ పాన్ ఇండియా మూవీ ఎప్పుడు పూర్తవుతుంది.? ఎప్పుడు విడుదల అవుతుంది..?  అనే  ప్రశ్నలకు సమాధానాలు లేవు. మరో వైపు హరి హర వీరమల్లు మొత్తానికే ఆగిపోయిందని ప్ర‌చారం ఊపందుకుంది. ప్ర‌చారంలో ఉన్న వార్త‌ల పై క్రిష్ కానీ.. నిర్మాత కానీ స్పందించ‌క‌పోవ‌డంతో వీర‌మ‌ల్లు నిజంగానే ఆగిపోయిందా అనే అనుమానాలు మొద‌ల‌య్యాయి. దీంతో ఈ మూవీ మేక‌ర్స్ మాత్ర‌మే కాదు.. ప‌వ‌ర్ స్టార్ అభిమానులు టెన్ష‌న్ ఫీల‌వుతున్నారు.

ఈ మూవీ ఒక చారిత్రిక చిత్రం. ఇప్పటికే పవన్ కళ్యాణ్‌ ఈ సినిమాలో ఫైట్స్ కోసం ప్రత్యేక శిక్షణ కూడా తీసుకున్నారు. నిర్మాత ఏ ఎం రత్నం కోట్లు ఇన్వెస్ట్ చేశారు. అయితే.. ఈ సినిమాని పవన్ పూర్తి చేస్తారా?  లేక పక్కన పెడుతారా అనేది తెలియాల్సివుంది. మ‌రి.. త్వ‌ర‌లో మేక‌ర్స్ క్లారిటీ ఇస్తారేమో చూడాలి.