Share to Facebook Share to Twitter share to whatapp share to telegram

 Mickey J Meyer : న్యాచులర్ స్టార్ నాని హీరోగా న‌టించిన‌ తాజా చిత్రం ‘శ్యామ్ సింగ రాయ్’. నిహారిక ఎంటర్టైన్మెంట్స్ ప‌తాకంపై ప్రొడక్షన్ నెంబర్ వన్‌గా వెంకట్ బోయనపల్లి ఈ చిత్రాన్ని నిర్మిస్తున్నారు. రాహుల్ సంకృత్యాన్ దర్శకుడు. డిసెంబర్ 24న ఈ చిత్రం ప్రపంచ వ్యాప్తంగా విడుదల కాబోతుంది. ఈ సందర్భంగా చిత్ర సంగీత దర్శకుడు మిక్కీ జే మేయర్ చెప్పిన విశేషాలు ఆయ‌న మాట‌ల్లోనే..

శ్యామ్ సింగరాయ్ కథ రెండు టైమ్ పీరియడ్స్‌ కు సంబంధించినది. గతం, వ‌ర్త‌మానం అంటూ రెండు భాగాల్లో ఈ క‌థ‌ జరుగుతుంది. గ‌తంలో 70వ దశకంలోని వాతావరణాన్ని ఇందులో చూపించనున్నారు. దానికి తగ్గట్టే సంగీతం, నేప‌థ్య సంగీతం అందించాను. నాకు ఇండియ‌న్ ఇన్‌స్ట్రుమెంట్స్ మీద మంచి నాలెడ్జ్ ఉంది. కాబ‌ట్టి ఆ కాలంలో ఉపయోగించిన వాయిద్యాలనే ఇందులో ఎక్కువ‌గా ఉపయోగించాం. తబల, సితార్, సంతూర్ వంటి వాటిని వాడి సంగీతాన్ని అందించాను.

Shyam Singha Roy Royal Event

శ్యామ్ సింగరాయ్ సినిమాలో నార్త్, సౌత్ ఫ్లేవర్ కలిసి ఒక కొత్త ఫ్లేవ‌ర్ ఉంటుంది. క‌ల‌క‌త్తా బ్యాక్‌డ్రాప్ కాబ‌ట్టి బెంగాల్ సంగీతాన్ని కూడా ఇందులో జోడించాం. కథకు తగ్గట్టుగానే మ్యూజిక్ చేశాను. టాలీవుడ్‌లో ఇలాంటి నేపథ్యంలో రాబోతోన్న మొదటి సినిమా ఇదే అవుతుంది. ద‌ర్శ‌కుడు రాహుల్ ఈ క‌థ చెప్ప‌గానే చాలా ఎగ్జ‌యిట్ ఫీల‌య్యాను. ఎందుకంటే.. ఈ సినిమాకు మంచి సంగీతం అందించే స్కోప్ ఉంది. అలాగే బ్యాక్ గ్రౌండ్ స్కోర్ కూడా బాగా చెయ్యొచ్చు అనిపించింది. ఇప్ప‌టి వ‌ర‌కూ విడుద‌లైన అన్ని పాట‌ల‌కి మంచి రెస్పాన్స్ వ‌స్తుంది. సినిమా రిలీజ‌య్యాక పాట‌ల‌కు, బ్యాక్ గ్రౌండ్ స్కోర్‌కు మ‌రింత మంచి స్పంద‌న వ‌స్తుంద‌ని న‌మ్ముతున్నాను.

సిరివెన్నెల గారి లాంటి లెజెండ్‌తో ప‌ని చేసే అవ‌కాశం రావ‌డం నిజంగా నా అదృష్టంగా భావిస్తున్నాను. ఆయ‌న‌తో గ‌డిపిన ప్ర‌తి మూమెంట్ ఒక మెమ‌ర‌బుల్‌. శ్యామ్ సింగ రాయ్ సినిమా కోసం ఆయ‌న రెండు పాటలు రాశారు. అందులో సిరివెన్నెల‌ పాట ఆల్రెడీ విడుదలై మంచి స్పందన రాబ‌ట్టుకుంది. ఆయన రాసిన ఇంకో పాట త్వ‌ర‌లో విడుద‌ల కాబోతుంది. ఆ పాట‌లో సిరివెన్నెలగారి సాహిత్యం అద్బుతంగా ఉంటుంది. ఆ పాటను కంపోజ్ చేయడం ఛాలెంజింగ్ గా అనిపించింది.

Sirivennela Last Song

పాట ఏ సింగ‌ర్ తో పాడించాలి అనే విష‌యంలో హీరో, దర్శకుల నుంచి నేను సలహాలు తీసుకుంటాను కానీ.. తుది నిర్ణయం మాత్రం నాదే. ఎందుకంటే.. ఆ పాట ట్యూన్ చేసేట‌ప్పుడే అది ఎవ‌రు పాడితే బాగుంటుంది అనేది నిర్ణ‌యించుకుంటాను. ఈ సినిమా మ్యూజిక్, ఆర్ఆర్ ప్రేక్ష‌కుల్ని ఎక్క‌డా డీవియేట్ కానివ్వ‌దు. ప్రస్తుతం నేను నందినీ రెడ్డి -స్వప్నా దత్ కాంబినేషన్‌లో ఓ సినిమాకు సంగీతం అందిస్తున్నాను, అలాగే శ్రీవాస్-గోపీచంద్ కాంబినేష‌న్‌లో ఒక ప్రాజెక్ట్ ఉంది. దిల్ రాజు బ్యానర్‌లో మరో సినిమాకు సంగీతాన్ని అందిస్తున్నాను. వీటితో పాటు ఇంగ్లీష్, స్పానిష్ భాషల్లో ప్రైవేట్ ఆల్బమ్స్‌ కూడా చేస్తున్నాను… అని మిక్కీ వివరించాడు.

Also Read : వరంగల్‌లో 14న ‘శ్యామ్ సింగ రాయ్’ రాయల్ ఈవెంట్

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com