విశ్వక్ సేన్ విభిన్నమైన జోనర్‌ల సినిమాలతో అలరిస్తున్నారు. తన 10వ సినిమా కోసం, నూతన దర్శకుడు రవితేజ ముళ్లపూడితో కలిసి విశ్వక్ సేన్ చేతులు కలిపారు.ఎస్‌ఆర్‌టి ఎంటర్‌టైన్‌మెంట్స్ బ్యానర్‌పై ప్రముఖ నిర్మాత రామ్ తాళ్లూరి ఈ చిత్రాన్ని భారీ ఎత్తున నిర్మించనున్నారు. అందరి దృష్టిని ఆకర్షించే పోస్టర్ ద్వారా మేకర్స్’#VS10’ని అధికారికంగా అనౌన్స్ చేశారు. పలువురు ప్రత్యేక అతిథులు సమక్షంలో ఈ చిత్రం గ్రాండ్‌గా ప్రారంభమైంది.
ముహూర్తపు సన్నివేశానికి నిర్మాత రామ్ తాళ్లూరి భార్య రజనీ క్లాప్‌ ఇవ్వగా, రచయిత, దర్శకుడు మచ్చ రవి కెమెరా స్విచాన్‌ చేశారు. దర్శకుడు రవితేజ ముళ్లపూడి తొలి షాట్‌కి దర్శకత్వం వహించారు. అంతకు ముందు రామ్ తాళ్లూరి ప్రొసీడింగ్స్ ప్రారంభించడానికి దర్శకుడికి స్క్రిప్ట్‌ను అందజేశారు. కామెడీ యాక్షన్ ఎంటర్ టైనర్ సాగే ఈ చిత్రంలో విశ్వక్ సేన్ సరసన మీనాక్షి చౌదరి కథానాయికగా నటిస్తుంది.
ప్రారంభోత్సవం సందర్భంగా హీరో విశ్వక్ సేన్ మాట్లాడుతూ.. రామ్ తాళ్లూరి నా ఫేవరేట్ ప్రొడ్యూసర్. ఇది నా పదో చిత్రం. ఇది కామెడీ యాక్షన్ ఎంటర్ టైనర్. ఇప్పటి వరకూ నేను చేసిన సినిమాల్లో కెల్లా భిన్నంగా వుంటుంది. ఏప్రిల్ నుంచి రెగ్యులర్ షూటింగ్ మొదలుపెడుతున్నాం. కొత్త దర్శకుడు రవితేజ చాలా టాలెంటెడ్. సినిమా చాలా పెద్ద విజయం సాధిస్తుంది’’ అన్నారు.
దర్శకుడు రవితేజ మాట్లాడుతూ.. నన్ను నమ్మి సినిమా ఇచ్చిన విశ్వక్ సేన్ గారికి, నిర్మాత రామ్ తాళ్లూరి గారికి కృతజ్ఞతలు. ఈ సినిమా అందరికీ నచ్చేలా ఉంటుందని తెలిపారు. మీనాక్షి చౌదరి మాట్లాడుతూ… రామ్ తాళ్లూరి నిర్మాణంలో సినిమా చేయడం చాలా ఎక్సయిటింగా వుంది. విశ్వక్ సేన్ గారితో ఎప్పటి నుంచో పని చేయాలని వుండేది. ఈ సినిమాతో అది కుదిరింది. చాలా మంచి స్క్రిప్ట్. చాలా మంచి పాత్ర. ఇంత మంచి టీం తో కలసి పని చేయడం చాలా ఎకయిటింగా వుంది అన్నారు.
