01-03-2026 నుండి 07-03-2026 వరకూ
Weekly Horoscope in Telugu:
మేషం (Aries):
ప్రారంభంలో కొన్ని అడ్డంకులు ఎదురవుతాయి. బద్ధకాన్ని వదిలి కృషి చేస్తే అభీష్టం నెరవేరుతుంది. ఉద్యోగులకు చక్కటి గుర్తింపు లభిస్తుంది. వ్యాపారస్తులు లాభాలను పొందుతారు. మిత్రులు సహకరిస్తారు. నూతన వస్తువులను కొంటారు. జీవిత భాగస్వామితో సఖ్యత కొనసాగుతుంది. బంధువులతో విందులో పాల్గొంటారు. బంధువులతో అనుబంధం బలపడుతుంది. వృథా ఖర్చులు తగ్గించండి. విలువైన వస్తువులను జాగ్రత్త పరచండి. చెప్పుడు మాటలను నమ్మకండి. ఆరోగ్యం మెరుగ్గా ఉంటుంది. ప్రయాణం లాభిస్తుంది.
వృషభం (Taurus):
ప్రతి సందర్భంలోనూ ఆచితూచి వ్యవహరించండి. కార్యాలకు ఆటంకాలు ఎదురైనా సమర్థతతో అధిగమిస్తారు. స్థిరాస్తి రంగాల్లోని వారు ఆర్థిక వ్యవహారాల్లో అప్రమత్తంగా ఉండాలి. వృథా ఖర్చుల వల్ల మానసిక ఒత్తిడి పెరుగుతుంది. కీలక సమయంలో మీ తెలివితేటలకు గుర్తింపు రాదు. అవమానాలకు ఆస్కారం ఉంది. కీలక వ్యవహారాల్లో నిర్లక్ష్యం వద్దు. వారం చివరలో అభీష్టం నెరవేరే సూచనలు ఉన్నాయి. నూతన వస్తుప్రాప్తి ఉంది. మిత్రుల సహకారంతో శుభ ఫలితాలను పొందుతారు. వాత సంబంధ సమస్య ఉంటుంది.
మిథునం (Gemini):
అన్నివైపులా శుభ పరిణామాలే ఉంటాయి. మానసిక ధైర్యం పెరుగుతుంది. ధనలాభం ఉంటుంది. వస్త్రాభరణాలు కొంటారు. సాహసోపేతమైన నిర్ణయాలు తీసుకుంటారు. ఆత్మీయుల కలయిక అమితమైన ఆనందాన్నిస్తుంది. తల్లి ఆరోగ్యంపై శ్రద్ధ పెట్టండి. కీలక సమయంలో సోదరులు అండగా నిలుస్తారు. విలువైన సమాచారం అందుతుంది. బద్ధకాన్ని వదిలి కష్టపడితే, అభీష్టం నెరవేరుతుంది. వృథా ఖర్చులు తగ్గించండి. సంతాన వ్యవహారాలను చక్కదిద్దాల్సి వస్తుంది. విలువైన వస్తువులు, డాక్యుమెంట్లు జాగ్రత్త.
Weekly Horoscope in Telugu :
కర్కాటకం (Cancer):
కార్యసాధనకు బాగా శ్రమించాల్సివుంటుంది. ఆర్థిక లావాదేవీల్లో జాగ్రత్త. ముఖ్యంగా బ్యాంకు వ్యవహారాలు ప్రతికూలంగా సాగే వీలుంది. ఇతరుల వల్ల ఇబ్బందులు తలెత్తుతాయి. ఎవరికీ పూచీలను ఇవ్వకండి. గతంలో ఇచ్చిన మాట తప్పడం వల్ల నిందలు, అవమానాలు ఎదురవుతాయి. వేళకు భోజనం ఉండదు. కుటుంబ వ్యవహారాలను సోదరుల మద్దతుతో చక్కదిద్దుతారు. ముఖ్య సమాచారం అందుతుంది. ఆత్మవిశ్వాసం పెరుగుతుంది. స్థిరాస్తి వ్యవహారాలను వాయిదా వేయండి. ప్రయాణాల వల్ల ఫలితం ఉండదు.
సింహం (Leo):
మేలిమి కాలం. అదృష్టం వరిస్తుంది. ఆర్థిక వ్యవహారాలు సంతృప్తికరంగా సాగుతాయి. వాహనయోగం ఉంది. నిరుద్యోగులకు శుభ సమాచారం అందుతుంది. అన్ని రంగాల్లోని వారికీ మేలు జరుగుతుంది. కుటుంబ సౌఖ్యాన్ని ఆస్వాదిస్తారు. మానసిక స్థితి ఉత్సాహకరంగా ఉంటుంది. అగ్రిమెంట్లకు అనుకూలమైన వారం. ఆత్మధైర్యం పెరుగుతుంది. ముఖ్య వ్యక్తుల కలయిక జీవితాన్ని మేలిమి మలుపు తిప్పే సూచన ఉంది. అనవసర విషయాల్లో జోక్యం చేసుకోకండి. ఖర్చులు అదుపు చేయాలి. కంటి సమస్యను నిర్లక్ష్యం చేయకండి.
కన్య (Virgo):
కీలక సమయాల్లో అదృష్టం తోడుగా ఉంటుంది. చేపట్టిన కార్యాల సాధనకు బాగా శ్రమించాల్సి వుంటుంది. ఆరోగ్యం మెరుగ్గా ఉంటుంది. కుటుంబ సౌఖ్యాన్ని పొందుతారు. బంధువులతో విందుల్లో పాల్గొంటారు. కొత్త బాధ్యతలను సక్రమంగా నిర్వర్తిస్తారు. ప్రశంసలు పొందుతారు. గౌరవం పెరుగుతుంది. బద్ధకం వల్ల ఇబ్బంది పడే సూచన ఉంది. దూర ప్రయాణం వల్ల లాభం ఉండదు. ఇతరులతో జాగ్రత్తగా మెలగాలి. వేళకు భోజనం ఉండదు. ఆర్థిక ఇబ్బందులు మానసిక శాంతిని దూరం చేస్తాయి. మాట తప్పడం వల్ల అవమానం తప్పదు.
తుల (Libra):
గతం కన్నా మెరుగ్గా ఉంటుంది. చేపట్టిన ప్రతి కార్యం విజయవంతం అవుతుంది. కొత్త స్నేహితులు అండగా నిలుస్తారు. రుణ విముక్తి యత్నాలు కొలిక్కి వస్తాయి. కొత్త విషయాలను తెలుసుకుంటారు. శారీరక, మానసిక ప్రశాంతతను పొందుతారు. గృహ నిర్మాణ వ్యవహారాలు అనుకూలిస్తాయి. సంతానం వృద్ధిలోకి రావడం ఆనందాన్ని పెంచుతుంది. కీలక వ్యవహారంలో అదృష్టం తోడుంటుంది. వాహన యోగం ఉంది. గౌరవం పెరుగుతుంది. ఇతరుల వ్యవహారాల్లో జాగ్రత్తగా ఉండండి. ఇంటికి దూరంగా వెళ్లే సూచన ఉంది.
Weekly Horoscope in Telugu :
వృశ్చికం (Scorpio):
అన్నీ అనుకున్న రీతిలోనే సాగుతాయి. అభీష్టం నెరవేరుతుంది. అవకాశాలను ఉపయోగించుకుంటారు. పెద్దలు, ఉన్నతాధికారులు మీకు అండగా నిలుస్తారు. వినోద యాత్ర గోచరిస్తోంది. బంధువులతో విందుల్లో పాల్గొంటారు. నూతన విజ్ఞాన సముపార్జనకు అనువైన వారం. ఇతరుల నుంచీ సహాయ సహకారాలు అందుతాయి. ఆరోగ్యం మెరుగ్గా ఉంటుంది. సంతాన సంబంధ విషయాలు సంతోషాన్నిస్తాయి. వారం చివరలో కోర్టు వ్యవహారాల్లో జాగ్రత్త. దూర ప్రయాణాలను వీలైనంత మేర వాయిదా వేయడం మంచిది.
ధనస్సు (Sagitarus):
శుభప్రదంగా ఉంటుంది. ఉద్యోగులు విధి నిర్వహణలో అంకిత భావంతో ఉన్నతాధికారుల ప్రశంసలను పొందుతారు. రివార్డులను అందుకుంటారు. పోటీదారులను వెనక్కి నెట్టి మేలిమి అవకాశాలను పొందుతారు. నిర్ణయాల్లో ఆత్మవిశ్వాసం కనిపిస్తుంది. భవిష్యత్ ప్రణాళికలను రూపొందించుకుంటారు. సంతాన సంబంధ శుభ వర్తమానం అందుంతుంది. సమాజంలో గౌరవ మర్యాదలు పెరుగుతాయి. కొత్త పరిచయాలు లాభసాటిగా ఉంటాయి. రుణ విముక్తి యత్నాలు ముందుకు సాగుతాయి. ఆరోగ్యం మెరుగ్గా ఉంటుంది.
మకరం (Capricorn):
ప్రారంభంలో స్వల్ప ఒడుదుడుకులు ఎదురైనా.. చాకచక్యంతో కార్యాలను సాధించుకుంటారు. అభీష్టం నెరవేరుతుంది. ఉద్యోగులకు యోగదాయకంగా ఉంటుంది. పోటీల్లో విజయం సాధిస్తారు. అధికారుల అభిమానాన్ని పొందుతారు. నూతన బాధ్యతలను స్వీకరించే సూచనలు ఉన్నాయి. అవకాశాలను సద్వినియోగం చేసుకోండి. కుటుంబంలో ప్రశాంత వాతావరణం ఉంటుంది. తగాదాలకు దూరంగా ఉండండి. కీళ్ల సమస్యలు వస్తాయి. భవిష్యత్ ప్రణాళికలను రూపొందిస్తారు. బలహీనతలను అధిగమిస్తారు.
కుంభం (Aquarius):
వ్యవహారాల్లో అప్రమత్తంగా ఉండాలి. విజ్ఞానాన్ని పెంపొందించుకునేందుకు అనువైన కాలం. ఆర్థిక లావాదేవీలు ఆశించినరీతిలోనే ఉంటాయి. జీవిత భాగస్వామితో సఖ్యత ఉంటుంది. శారీరక, మానసిక ప్రశాంతతను పొందుతారు. వినోదయాత్ర గోచరిస్తోంది. కొత్తవారితో సత్సంబంధాలు ఏర్పడతాయి. వారం ద్వితీయార్థంలో తగవులకు ఆస్కారం ఉంది. ఇతరులతో వ్యవహారాల్లో తొందరపాటు వద్దు. విధి నిర్వహణలో నిర్లక్ష్యం వల్ల అధికారులతో మాట పడాల్సి వస్తుంది. ఆధ్యాత్మిక చింతన పెరుగుతుంది. ప్రత్యర్థులతో జాగ్రత్త.
మీనం (Pisces):
వ్యవహారాలు శుభప్రదంగా సాగుతాయి. ధనలాభం ఉంది. గృహోపకరణాలను సమకూర్చుకుంటారు. బంధుమిత్రులను కలిసి సరదాగా గడుపుతారు. ఇతరులతోనూ సత్సంబంధాలు ఏర్పడతాయి. ప్రయాణాలు ఆనందకరంగా సాగుతాయి. సమాజంలో గౌరవం పెరుగుతుంది. ఉద్యోగులు ఉన్నతాధికారుల ప్రశంసలను పొందుతారు. సంతాన సంబంధ శుభ వార్తను వింటారు. జీవిత భాగస్వామితో అనురాగం వృద్ధి చెందుతుంది. వారం చివరలో ఆచితూచి వ్యవహరించాలి. జీర్ణ సంబంధ సమస్యను నిర్లక్ష్యం చేయకండి. కోపాన్ని తగ్గించుకోండి.
గమనిక :
జన్మరాశిని అనుసరించి ఈ ఫలితాలు చూసుకోవాలి. ఇవి, గోచార గ్రహాల సంచారాన్ని బట్టి నిర్ణయించిన స్థూల ఫలితాలు. వ్యక్తిగత జాతక ఫలితాలు తెలుసుకో దలచిన వారు, తమ జన్మ వివరాలు (పుట్టిన తేదీ, పుట్టిన సమయం, పుట్టిన ఊరు) దిగువ సూచించిన మెయిల్ ఐడీకి పంపగలరు.
శుభం భూయాత్
పి.విజయకుమార్
[email protected]
