మునుగోడు ఉప ఎన్నికల్లో పోటీకి ప్రజా గాయకుడు గద్దర్ సిద్దమయ్యారు. ప్రజా శాంతి పార్టీ నుంచి మునుగోడులో గద్దర్ పోటీ చేయనున్నారు. ఈ మేరకు ప్రజా శాంతి పార్టి అధ్యక్షుడు కే ఏ పాల్ కూడా సుముఖత వ్యక్తం చేశారు. మునుగోడు ఉపఎన్నికల పై ప్రజా గాయకుడు గద్దర్ ఇదివరకే కే ఏ పాల్ తో చర్చించినట్టు సమాచారం.
ప్రజా గాయకుడు గద్దర్ మునుగోడు బరిలోకి దిగటంతో పోటీ రసవత్తరంగా మారే అవకాశం ఉంది. ఈ నియోజకవర్గంలో విప్లవ పార్టీల ప్రభావం, సిపిఐ, సిపిఎం పార్టీల ప్రభావం మొదటి నుంచి అధికంగా ఉంది. దీంతో దీంతో గద్దర్ పోటీపై ఆసక్తి నెలకొంది. గద్దర్ పోటీకి దిగితే ప్రధాన పార్టీల ఓట్లు కొంత వరకు ప్రభావితం అయ్యే అవకాశం ఉంది.
